Четворица од пациентите од пожарот во Кочани што се лекуваат во странство се во критична состојба, а очекуваме осум да се вратат неделава во државава, изјави денеска министерот за здравство Арбен Таравари.
Како што соопшти тој, денеска се очекува да бидат испишани 16 пациенти од домашните болници, во кои се лекуваат вкупно 54. На Клиничкиот центар се лекуваат 26 пациенти, по десет пациенти во ГОБ „8 Септември“ и во „Свети Наум Охридски“ и осум пациенти во приватните болници. На лекување во странство се 115 пациенти.
„Во фаза на инфекции сме, можни се компликации. Колегите даваат максимум. Се надевам дека барем половина од пациентите ќе се вратат за две недели“, изјави Таравари.
Прочитај повеќе
Првите пациенти кои се лекуваат во странство идната недела се враќаат во Македонија
Вкупно 116 пациенти повредени во пожарот во Кочани се лекуваат во странство
22.03.2025
Задушување е причина за смртта на сите настрадани во Кочани
До крајот на месецот се очекува да бидат завршени сите извештаи за обдукциите
21.03.2025
Триесетдневен притвор за Бектеши, приведени тројца градоначалници на Кочани
Со истражните активности во моментов се опфатени над 30 лица.
21.03.2025
Последен поздрав
Редакцијата на „Блумберг Адрија“ изразува искрено сочувство до семејствата што ги загубија најблиските.
21.03.2025
Во меѓувреме продолжија контролите што ги најавија институциите во сите јавни објекти низ државата, за проверка на документацијата, исполнување на обврските од лиценците и дозволите, на техничките услови за работа и безбедносните стандарди, а некои од ресорите споделија и конкретни податоци.
Утврдени се прекршувања на владината одлука за деновите на жалост, кои завршија вчера, два објекта во општината Центар се затворени, а приведени се над 20 лица во Скопје, Битола и во Охрид.
Општините, пак, се координираат преку Заедницата на единиците на локална самоуправа (ЗЕЛС) за проверки на училиштата, градинките, спортските сали, културните домови, но и сите угостителски објекти и други места во кои секојдневно се собираат граѓани.
„Особен акцент е ставен на објектите во кои престојуваат деца и млади, а инспекциските контроли ќе бидат континуиран процес и во наредните недели и месеци, систематски ќе се проверуваат сите објекти во државата, со цел сите јавни и приватни објекти во кои се собираат луѓе, било да се образовни, здравствени институции, спортски или културни објекти или угостителски локали, да бидат безбедни“, најави претседателот на ЗЕЛС, Орце Ѓорѓиевски.
Поради недоволниот број инспекциски служби, особено во помалите општини, најавена е меѓуопштинска соработка. ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата, а инспекциските капацитети ќе се стават на располагање таму каде што има потреба за да може секоја општина темелно да ги провери сите објекти на својата територија.
.webp){kind=icon}
