Американскиот претседател Доналд Трамп изјави дека престижниот универзитет „Харвард“ ќе го загуби статусот за даночно ослободување – кој му овозможуваше на универзитетот да избегнува плаќање даноци на своите приходи врз основа на класификацијата како образовна институција.
Трамп ја објави оваа одлука по неколку недели закани дека ќе иницира ревизија од страна на Службата за внатрешни приходи (ИРС) во врска со даночниот третман на „Харвард“ и другите универзитети од лигата Ајви (Ivy League).
„Ќе го укинеме даночното ослободување за ’Харвард’. Тоа е она што го заслужуваат!“, напиша Трамп.
Прочитај повеќе
Трамп на митинг за стоте дена владеење: ред фалење, ред критика на Пауел
Пред гласачите во Детроит, Трамп ја испофали својата економска политика и не заборави повторно да го искритикува Пауел.
30.04.2025
Сто дена во кои Трамп го држи светот во неизвесност и магла
За разлика од првиот мандат, кога со месеци не успеваше да ги пополни празните места во својата администрација, Трамп во вториот мандат влезе повеќе од подготвен.
30.04.2025
Ќе добие ли Ватикан папа сличен на Трамп?
Римокатоличката црква има 252 кардинали, но само оние под 80 години имаат право да гласаат за новиот папа, а во моментов ги има 135.
28.04.2025
Конзервативците во последниве години ја насочија својата критика кон „Харвард“ и други елитни универзитети поради идеолошките разлики и обвинувањата за зголемен антисемитизам за време на протестите на кампусите против војната во Газа. Трамп и други републиканци ги обвинија овие институции дека промовираат либерални агенди и таканаречена „будност“ (wokeness).
„Следното поглавје од американската приказна нема да го напише ’Харвард Кримсон’ (Harvard Crimson)“, изјави Трамп во четвртокот вечер за време на церемонијата за дипломците на Универзитетот во Алабама. „Ќе го напишете вие“.
Според даночниот кодекс на ИРС, претседателите немаат овластување да се мешаат во одлуките на оваа независна федерална агенција, што отвора прашања дали Трамповата најава е негова лична одлука или, пак, се однесувала на завршената независна ревизија од страна на ИРС.
.webp){kind=icon}
