Американскиот претседател Доналд Трамп ги зголеми царините за увоз на челик и алуминиум од 25 на 50 проценти, исполнувајќи го ветувањето за преземање мерки за заштита на домашните производители. Новите царини стапија на сила во 00:01 часот по време во Вашингтон, а тој тврди дека се неопходни за заштита на националната безбедност.
Во наредбата, која ја потпиша вчера, се наведува дека претходните царини „не им овозможија“ на домашните индустрии да „развијат и одржат стапки на искористеност на производствениот капацитет неопходни за постигнување одржливост и задоволување на потребите на националниот одбранбен сектор“.
Зголемувањето на претходно воведените царини има за цел да „ја елиминира заканата за националната безбедност што ја претставува увозот на производи од челик и алуминиум, како и нивните деривати“, според документ објавен од Белата куќа на платформата X.
Прочитај повеќе
ОЕЦД: Царините на Трамп се на штета на САД исто колку и на глобалната економија
Политиката на Доналд Трамп со која предизвика трговска војна ја втурна светската економија во пад, а САД се меѓу најтешко погодените земји, соопшти ОЕЦД.
03.06.2025
ЕУ предупредува дека би можела да ги забрза одмаздничките царини кон САД
Доколку не се постигне заемно прифатливо решение и постојните и можните дополнителни контрамерки на ЕУ автоматски ќе стапат на сила на 14 јули или порано.
03.06.2025
Трамп ги зголемува царините за челик и алуминиум: „Доаѓаат многу пари“
Американскиот претседател Доналд Трамп најави зголемување на царините за челик и алуминиум од 25 на 50 отсто.
31.05.2025
Зголемувањето на царините ги поттикнува трговските тензии во време кога САД преговараат со голем број трговски партнери за таканаречени „реципрочни“ царини. Едностраните царини на Трамп се на стаклени нозе откако федералниот суд минатата недела поништи голем број царини. Но, пресудата не се однесуваше на царините за метали, а Трамп се обиде да покаже дека не се плаши да изврши дополнителен притисок врз трговските партнери.
Царините за метали за увоз од Обединетото Кралство ќе останат на 25 проценти, дозволувајќи им на двете земји да работат на нови царини или квоти до крајниот рок на 9 јули, соопшти Белата куќа во документ. Клучна точка во договорот, за кој минатиот месец се преговараше во Лондон и Вашингтон, е намалување на царините за челик, но тоа сè уште не е договорено.
Мексико соопшти дека ќе побара од американската администрација ослободување од обврската, а министерот за трговија на Мексико го опиша зголемувањето како „неодржливо“.
Трамп ги објави зголемувањата на царините за време на посетата на фабриката на „Јунајтед Стејтс стил“ (United States Steel Corp.) во Пенсилванија, каде што ја поддржа продажбата на таа компанија на јапонската „Нипон стил“ (Nippon Steel Corp.), ветувајќи дека САД ќе задржат одредено ниво на контрола. „Тоа значи дека никој нема да може да ви ја украде работата“, рече тој. Подоцна Трамп на социјалните медиуми објави дека царините за алуминиум ќе се зголемат од 25 на 50 проценти.
.webp){kind=icon}
Во моментов нема коментари за веста. Биди прв да коментира...