Министерот за финансии Скот Бесент во објава на социјалните мрежи вчера изјави дека треба да се преиспита одлуката за реновирање делови од седиштето на Федералните резерви (Фед) во Вашингтон.
„Иако немам знаење или мислење за правната основа за масовно реновирање на зградите што се преземаат на авенијата ‘Конститушн’, треба да се преиспита одлуката за спроведување таков проект од страна на институција што пријавува оперативни загуби од повеќе од 100 милијарди долари годишно“, наведе Бесент во објава на социјалната мрежа X, порано позната како Твитер.
Бесент рече и дека Федералните резерви треба да спроведат „исцрпна внатрешна ревизија на своите операции што не се од монетарната политика“, додавајќи дека „значајното ширење на мисијата и институционалниот раст ги доведоа Федералната резерва во области што потенцијално ја загрозуваат независноста на основна мисија на институцијата - монетарна политика“.
Прочитај повеќе
Заканата за смена на Пауел ги тресе пазарите
Загриженоста за независноста на централната банка на САД расте...
21.07.2025
Трамп под притисок: Епстајн, ФЕД и здравствената состојба му ги загрозуваат амбициите
Оваа недела на Трамп му се сврте среќата
19.07.2025
„Фед редовно ја преиспитува својата рамка за монетарна политика“, рече тој. „Би го повикал раководството на Фед на сличен начин да преземе, објави и спроведе сеопфатна институционална ревизија на целата своја мисија за да го зајакне својот кредибилитет“.
Шефот на Министерството за финансии исто така рече: „Спроведувањето на монетарната политика од страна на Федералните резерви е кутија со скапоцени камења што треба да се огради за да се зачува нејзината независност“, како и дека независноста на Федералните резерви „е камен-темелник на континуираниот економски раст и стабилност на САД“.
Фед и нејзиниот лидер, претседателот Џером Пауел, со недели се соочуваат со немилосрдни критики од администрацијата на Трамп, главно поради досегашните одлуки за одржување на каматните стапки стабилни во 2025 година. Повеќето претставници на Федералните резерви рекоа дека чекаат да го проценат влијанието на царините врз инфлацијата пред да продолжат со дополнителни намалувања на стапките - што очекуваат да се случи во текот на годинава.
Објавата на Бесент следува по неговите претходни коментари на „Си-ен-би-си“ (CNBC), во кои истакна дека администрацијата треба „да ја испита целата институција на Федералните резерви и дали биле успешни“.
.webp){kind=icon}
