НФЛ (NFL) размислува да формира професионална лига за фудбал со знаменца за мажи и жени веќе следната година, а меѓу потенцијалните партнери е и инвестициската компанија 776, со која раководи сопругот на Серена Вилијамс, Алексис Оханијан, според извори запознаени со ова прашање.
Лигата разгледува 10 предлози, рекоа изворите кои зборуваа под услов да останат анонимни бидејќи дискусиите засега се приватни. Други заинтересирани страни се „ТКО груп“ (TKO Group Holdings), „Авени капитал“ на Марк Лесри и партнерите Ајс Кјуб и Џеф Кватинец. Понудувачи се и „Конект венчрс“ (Connect Ventures), заедничко инвестициски потфат на „Криејтив артистс ејџенси“ (Creative Artists Agency) и инвестициската фирма „Њу ентерпрајз асошиејтс“ (New Enterprise Associates), како и „СМАК ентертејнмент“ (SMAC Entertainment), медиумска компанија кооснована од поранешните НФЛ ѕвезди Мајкл Страхан и Констанс Шварц-Морини.
Фудбалот со знамиња значително порасна во последниве години, делумно благодарение на финансирањето преку програмата „Знаме“ на НФЛ. Спортот е подготвен да привлече уште поголемо внимание со своето олимписко деби на Игрите во Лос Анџелес во 2028 година.
Прочитај повеќе
Повеќекратно сопствеништво над клубови: Нов модел што го менува фудбалот
Во светот на фудбалот, кој во последните децении се трансформира од локален спорт во глобална индустрија, еден бизнис-модел во тишина, но со огромно влијание, ги менува правилата на играта.
02.04.2025
Шпански клуб е предводник во користењето ВИ за избор на играчи
Севиља отиде најдалеку во примената на вештачката интелигенција во фудбалот
25.03.2025
УЕФА има нов глобален партнер за Лигата на шампионите
Стратешки чекор напред во комерцијализацијата на најгледаното клупско натпреварување.
24.03.2025
„Јасно е дека има голем интерес за професионална лига со знаме“, рече комесарот на НФЛ, Роџер Гудел за време на прес-конференцијата на состанокот на сопствениците оваа недела. Тој потврди и дека лигата добива понуди од потенцијални инвеститори.
Клучни се Олимписки игри
НФЛ, ТКО, „Конект венчрс“, Ајс Кјуб и Кватинец одбија да коментираат. СМАК, Лесри и Вилијамс не одговорија веднаш на барањата за коментар.
Вклучувањето на фудбалот со знаме на Олимпијадата дополнително ги зголеми напорите да се започне женска лига пред 2028 година, велат изворите. Сè уште не е утврдено колкави ќе бидат трошоците за влез во лигата.
Гудел првпат зборуваше за создавање на машка и женска професионална фудбалска лига со знаме за време на неговата прес-конференција за „Супер боул“ (Super Bowl) во февруари.
„Олимпијадата е клучен момент за нас и за развојот на фудбалот со знаме на глобално ниво“, рече Гудел на состанокот на лигата.
НФЛ гледа на фудбалот со знаме како можност за привлекување нови фанови и проширување на спортот на меѓународни пазари, како Бразил. Во моментов фудбалот со знаме се игра во повеќе од 100 земји, а се проценува дека го практикуваат околу 20 милиони луѓе.
Иако НФЛ и натаму планира да започне машка лига, сепак приоритет е женскиот фудбал со знаме, кој брзо добива на популарност. Во САД 14 држави веќе го признаа женскиот фудбал со знаме како официјален средношколски спорт, а НФЛ лобира за негово усвојување на национално ниво.
На ниво на факултетите, некои помали колеџи веќе имаат женски фудбалски тимови. НКАА (NCAA -National Collegiate Athletic Association) неодамна го призна спортот како „спорт во подем“ за жени, а НФЛ се залага за формирање фудбалско првенство со знаме во рамки на НКАА до 2028 година.
.webp){kind=icon}
