Групацијата „Шварц“ (Schwarz) ќе стекне удел од околу 42,5 отсто во „Дин медија“ (Dyn Media), со што ќе се изедначи со „Аксел Спрингер“ (Axel Springer SE) како најголем акционер на оваа платформа, се наведува во денешното соопштение, со што се потврдува претходниот извештај на „Блумберг њуз“ (Bloomberg News).
ДФЛ (Deutsche Fussball Liga), која е организатор на германските фудбалски лиги, ќе добие удел од 6,5 отсто, додека остатокот ќе остане во сопственост на основачот на „Дин“, Кристијан Зајферт. Зајферт во 2022 година беше прогласен за почесен член на ДФЛ откако ја напушти функцијата извршен директор на лигата.
Според изјави на лица запознаени со ситуацијата, најновата рунда на финансирање ја проценува вредноста на „Дин медија“ на околу 80 милиони евра (94 милиони американски долари).
Како што извести „Блумберг њуз“ во октомври, „Дин медија“ во соработка со банката „Уникредит“ (UniCredit) истражувала интерес и од ТВ-емитери и од финансиски инвеститори.
Платформата „Дин“ беше лансирана во август 2023 година и пренесува натпревари од машките и женските германски лиги во кошарка, ракомет, одбојка, пинг-понг и хокеј.
Според податоците на нивната веб-страница, месечната претплата изнесува 19,50 евра, а „Дин“ пренесува во живо повеќе од 3.000 натпревари по сезона.
„Собраниот капитал ќе ни овозможи да ја прошириме постојната домашна понуда, да развиеме нови деловни области – како што е приспособување на нашата медиумска платформа за користење од трети страни – и потенцијално да го интернационализираме нашиот концепт“, изјави Зајферт.
.webp){kind=icon}
