text size
Главниот извршен директор на „Енвидија“ (Nvidia Corp.), Џенсен Хуанг, повторно ги отфрли катастрофалните сценарија за вештачката интелигенција, порачувајќи дека таа технологија не претставува ризик од исчезнување на човештвото.
„Како и да го карактеризирате тоа, 2030 година нема да биде крајот на светот“, изјави Хуанг во интервју за Си-би-ес њуз (CBS News). „Има нула отсто шанси тоа да биде крајот на светот.“
Прочитај повеќе
Гугл им се придружи на Опен еј-ај, Антропик и Мета во откривањето хакирања од ВИ
Гугл е најновата технолошка компанија што призна упади од свој ВИ-модел, засилувајќи го алармот околу понатамошното развивање на агентите на вештачката интелигенција.
пред 5 часа
Кој е главниот виновник, вештачката интелигенција или луѓето?
Стравот од вештачката интелигенција веќе не е само научна дебата туку и реторика што се прелева од лабораториите во политиката и маркетингот. Од хакирањето на „Хагинг фејс“ до предлог-законите во Конгресот, паниката околу ВИ станува дел од јавниот наратив за иднината на технологијата.
18.09.2026
Нова верзија на ЧетГПТ им ги мати сметките на фриленсерите
На 3 септември „Опен еј-ај“ го претстави својот нов модел, ГПТ-6 Астра, кој во голема мера може да ја замени работата на креативците и дизајнерите.
17.09.2026
„Опен еј-ај“ откри нови случаи на „непослушна“ вештачка интелигенција
„Опен еј-ај“ обелодени низа досега непријавени случаи на несоодветно однесување на своите ВИ-модели.
17.09.2026
За време на повеќето појавувања на настани во изминатите денови, извршниот директор го повтори својот став дека со вештачката интелигенција може безбедно да се управува. Хуанг, чија компанија е водечки снабдувач на процесори за вештачка интелигенција, исто така се спротивстави на потребата од нови регулативи.
Џејкоб Коксон, кој си замина од „Антропик“ (Anthropic PBC), ја засили загриженоста за вештачката интелигенција. Тој предупреди дека истражувачите што развиваат ВИ „искрено веруваат дека таа би можела да нè убие сите до крајот на деценијата“.
За време на интервјуто за Си-би-ес, кое во целост треба да биде емитувано во недела, Хуанг тврдеше дека индустријата не треба да забавува.
„Треба да одиме колку што е можно побрзо, без оглед на другите“, рече тој. „Но, никогаш, ама баш никогаш, не би смееле - и не треба - да пуштаме производи на пазарот пред да бидат подготвени и да испорачуваме производи што не се безбедни.“
.webp){kind=icon}
