Кинеските акции поврзани со „Опен Кло“ (OpenClaw) скокнаа, поттикнати од оптимистичките коментари од шефот на „Енвидија“ (Nvidia Corp) за потенцијалот на агентите за вештачка интелигенција. „Мини Макс Груп“ (MiniMax Group Inc), која штотуку објави нов саморазвојувачки агент, ги продолжи претходните добивки за да се искачи за 29 проценти на рекордно високо ниво. „Нолиџ Атлас Технолоџи“ (Knowledge Atlas Technology JSC Ltd), позната како „Жипу“ (Zhipu), порасна за 23 проценти, додека провајдерот на услуги во облак „Ју клауд технолоџи“ (UCloud Technology Co), исто така, порасна во Шангај.
Кинеските акции поврзани со вештачка интелигенција пораснаа откако Џенсен Хуанг во вторникот изјави дека „Опен Кло“ е „дефинитивно следниот Чет ГПТ“, опишувајќи го како фундаментална промена што го проширува она што поединците можат да го прават со технологијата. Алатката доби култна поддршка во Кина, обезбедувајќи нов ветер во грбот за локалниот бум на вештачката интелигенција што започна со лансирањето на „Дипсик“ (DeepSeek) пред повеќе од една година.
Прочитај повеќе
ВИ-суверенитет: Зошто компаниите веќе не му веруваат на големиот облак
Бидејќи вештачката интелигенција влегува во сите деловни процеси, прашањето повеќе не е само кој ја користи туку и кој ги контролира податоците и инфраструктурата на кои таа работи.
пред 20 часа
„Величествените седум“ влегуваат во корекција додека растат ризиците од ВИ и војната во Иран
Индексот на „Блумберг“ за компаниите затвори повеќе од 10 проценти под својот октомвриски рекорд, техничкото ниво што укажува на корекција.
14.03.2026
Стартапот „Вондерфул“ собра 150 милиони долари и планира експанзија на ВИ-агенти во регионот
Компанијата „Вондерфул“ собра 150 милиони долари во серија Б на финансирање, со што нејзината проценета вредност достигна околу две милијарди долари.
13.03.2026
ВИ копа по податоците на компаниите и го открива она што извештаите често го премолчуваат
Стартап со помош на вештачка интелигенција ги анализира инвестициските планови и вистинските потези на повеќе од 100.000 компании.
пред 4 часа
Како дата-центрите на „Амазон“ настрадаа во војната со Иран
Три податочни центри на технолошкиот гигант досега се погодени во ОАЕ и Бахреин
11.03.2026
Најновото ажурирање на „Мини Макс“ за моделот M2.7 доаѓа пред следната генерација M3, што се очекува во втората половина од годината. Нејзиниот M2.5 постојано се рангира меѓу подобро оценетите кинески модели: на страницата за бенчмаркинг „Артифишал Анализис“ (Artificial Analysis), моделот заостануваше зад врвните понуди со отворен код од конкурентите, вклучувајќи ги „Алибаба“ (Alibaba Group Holding Ltd) и „Жипу“, во однос на перформансите, но неговата помала големина и пониската цена го направија популарен избор меѓу програмерите.
„Биковските коментари на Џенсен Хуанг за иднината на ‚Опен Кло‘ го поттикнуваат оптимизмот кај агентите за вештачка интелигенција“, рече Стивен Леунг, извршен директор на „УОБ Кеј Хиан“ во Хонг Конг. Планот на „Енивидија“ за лансирање сродни производи исто така значи дека треската „јастог“ - симболот на ‚Опен Кло‘ - штотуку започнува, рече тој.
Лансиран во ноември, „Опен Кло“ е агент кој користи големи јазични модели за извршување на секојдневните функции. Главните кинески даватели на услуги за клауд-компјутинг, вклучувајќи ги „Тенсент“ (Tencent Holdings Ltd), „Алибаба“ и „Баиду“ (Baidu Inc), побрзаа да им го понудат „Опен Кло“ на своите клиенти, додека давателите на ЛЛМ како „Мини Макс“ и „Жипу“ понудија токени кои ги напојуваат агентите.
„Опен Кло“ е автономна платформа за агенти за вештачка интелигенција со отворен код која прави повеќе од традиционалните чет-ботови. Наместо да одговараат на прашања, овие агенти можат да завршуваат задачи, да донесуваат одлуки и да преземаат дејствија со минимален инпут од корисниците.
.webp){kind=icon}
