Хакер објави автентични снимки од развојот на ГТА 6 (Grand Theft Auto VI), најочекуваната видеоигра од Take-Two Interactive Software Inc.
Објавените снимки нудат обемен, но неовластен поглед во создавањето на една од најголемите игри во индустријата. Протекување од овој размер е толку ретко што некои луѓе се сомневаат во неговата автентичност, но извори запознаени со развојот на играта велат дека снимките се веродостојни. Снимките даваат ран и груб преглед на плановите за Grand Theft Auto VI, иако конечната верзија ќе изгледа многу попрефинето, велат изворите кои побараа да не бидат идентификувани бидејќи деталите се приватни.
Хакерот објави десетици досега невидени видеа од Grand Theft Auto VI на онлајн форум во текот на викендот. Во пораките корисникот сугерира дека е истиот хакер кој се инфилтрирал во Uber Technologies Inc. во уште еден голем напад од минатата недела. Тврдењето е непроверено. Хакерот во дополнителна порака за претстојната игра Grand Theft Auto, вели дека сака да преговара за спогодба и со тоа ги подгреа сомнежите дека можеби ќе објави и други инсајдерски информации за проектот.
Портпаролот на Take-Two не одговори на барањата за коментар надвор од редовното работно време.
Последната ГТА излезе во 2013 година и стана највредниот имот за забава, репутација изградена на постојаната популарност на франшизата. Најновата ГТА 6 е во фаза на развој од 2014 година, објави Bloomberg. За прв пат во франшизата ќе има женски протагонист, а најголем дел од дејството ќе се одвива во измислена верзија на Мајами, објави Bloomberg. Take-Two призна за постоењето на играта за првпат во февруари, а ваквата вест набрзина доведе до зголемување на нејзините акции за 7 отсто.
.webp){kind=icon}