Нето приходот на „Хуавеј“ (Huawei Technologies Co.) падна за околу 40 отсто во првите три квартали годинава бидејќи кинескиот телекомуникациски гигант не може да го заживее својот бизнис со паметни телефони, кој во минатото беше неговото „златно јајце“, а направи многу трошоци за истражување и развој.
Компанијата со седиште во Шенжен и некогаш најголемиот светски производител на паметни телефони, генерирала 3,8 милијарди долари (27,2 милијарди јуани) нето приход помеѓу јануари и септември со профитна маржа од 6,1 отсто, според пресметките на Bloomberg. Ова е пад од 46,5 милијарди јуани нето приход во истиот период пред една година, кога Huawei објави двоцифрена профитна маржа. Приходите за септемврискиот квартал се зголемиле за 6 отсто до 144,2 милијарди јуани, според пресметките на Bloomberg.
Компанијата не откри детални финансиски информации.
Серијата американски санкции што започнаа за време на администрацијата на претседателот Трамп го задушија телефонскиот бизнис на Huawei, што порано беше клучен двигател на растот на групацијата и најголем извор на приходи. Меѓу тие трговски ограничувања е и забраната за производителите на чипови да произведуваат полупроводници дизајнирани од Huawei, што ефективно го покрива нејзиниот HiSilicon бизнис, кој своевремено одржуваше чекор со внатрешната Silicon group на „Епл“ (Apple Inc).
„Вкупните перформанси се во согласност со прогнозите“, рече ротирачкиот претседател Ерик Ксу. „Падот во нашиот бизнис со уреди продолжи да забавува, а нашиот бизнис со ИКТ инфраструктура одржува стабилен раст. Одиме напред, ќе продолжиме да носиме врвни таленти и да инвестираме во истражување и развој за да ја подигнеме конкурентноста на нашите производи на ново ниво“, додаде тој.
2022 година беше преодна година за Huawei, во која акцентот се префрла од потрошувачката електроника, која своевременo беше поткрепена од продажбата на паметни телефони. Компанијата ја зголеми продажбата на производи за безжични комуникации и базни станици, а исто така ги истражува можностите за соработка со автомобилски компании за комуникациски системи во автомоболските кабини.
.webp){kind=icon}
