Адвокатите на „Твитер“ (Twitter) користат СМС пораки на Илон Маск за да го убедат судијата од Делавер дека милијардерот сака да се откаже од договорот од 44 милијарди долари за преземање на компанијата поради т.н. „каење на купувачот“ (анг. buyer’s remorse), наместо, како што тврди тој, загриженоста за спамови и ботови на социјалната мрежа.
Бил Савит, адвокат на Twitter, посочи текстуална порака меѓу Маск и еден од неговите банкари како доказ за време на судското сослушување во вторникот. Во пораката од 8 мај, Маск бара од банкарот да го забави процесот за зделката сè додека рускиот претседател Владимир Путин не го одржи говорот најавен за следниот ден, за време на кој Путин ја бранеше својата одлука за инвазија на Украина.
„Нема да има смисла да се купи Twitter ако влеземе во Трета светска војна“, напишал Маск. Две недели пред тој момент, сопственикот на „Тесла“ (Teslа) веќе се согласил да го купи Twitter за 44 милијарди долари.
Прочитај повеќе
Маск додаде свиркач како нова причина да го откаже договорот со 'Твитер'
Маск ги наведе неодамнешните обвинувања од свиркач на „Твитер“ како нова причина да го прекине преземањето на платформата во вредност од 44 милијарди долари.
30.08.2022
Сослушувањето во вторникот пред судијата во Делавер, Кеталин Сент Џеј Мекормик, се фокусираше на барањето на Маск да се одложи судењето, кое сега е закажано за 17 октомври, по наводите од свиркач дека Twitter ги довел инвеститорите во заблуда во врска со спам и бот налозите - тврдење кое е главната основа на Маск да се повлече од договорот. Се очекува судијата подоцна неделава да ја донесе одлуката по ова прашање.
Социјалната мрежа со седиште во Сан Франциско се обидува да го принуди Маск да го заврши предложениот откуп откако тој се повлече од договорот, тврдејќи дека Twitter не бил искрен кон него за квалитетот на налозите и објавите на мрежата. Twitter, пак, тврди дека причината на Маск да се повлече од преземањето на компанијата се должи на поширокиот пад на пазарот, делумно поврзан и со војната на Путин во Украина.
Во меѓувреме, Маск тврди дека лажните корисници и спам сметките сочинуваат многу поголем дел од дневната активна корисничка база на Twitter отколку што дозволува компанијата, што му дава основа да го откаже планираното купување.
.webp){kind=icon}