.webp){kind=icon}
„Тесла“ (Tesla Inc.) започнува со производство на својот долгоочекуван електричен камион Semi, а испораките ќе започнат на први декември.
Илон Маск, главен извршен директор на производителот на електрични возила, во четвртокот преку твит ги најави плановите за почеток на производството на големиот камион, велејќи дека првата испорака на Semi ќе биде за „Пепси“ (PepsiCo Inc).
Tesla првпат го најави камионот во ноември 2017 година, велејќи дека ќе започне со производство во рок од две години. Сепак, стартот на производството постојано беше одложуван - делумно поради недостаток на достапни батерии и одлуката на компанијата да им даде приоритет на моделите за широка потрошувачка.
Маск во август објави дека испораките на возилото со досег од 500 милји (805 километри) ќе започнат годинава, но тој е познат по тоа што често ги пропушта најавените рокови и прогнози. Претходно годинaва, тој им рече на инвеститорите на Tesla дека претставувањето на Semi на пазарот во 2022 година нема да има многу смисла бидејќи сè уште постои ограничена понуда на делови.
Од PepsiCo не одговорија веднаш на барањето за коментар.
Од таму претходно соопштија дека очекуваат до крајот на годината да ги претстават првите 15 Tesla Semi камиони, што е дел од нарачката од вкупно 100 целосно електрични транспоретери од класа 8 од компанијата со седиште во Остин, Тексас. Друга компанија купувач на камиони од Tesla е малопродажниот гигант „Волмарт“ (Walmart Inc.), кој нарачал Semi истата година кога воизлото беше претставено.
Според неодамна донесената легислатива, се очекува Semi со нулта емисија да бидe подобнo возило за федералните даночни олеснувња од дури 40.000 американски долари по набавка на голем камион. Но, Tesla ќе се натпреварува во брзорастечкиот сегмент на големи камиони со електричен погон, кој вклучува играчи како што е стартапот „Никола“ (Nikola Corp.) и веќе познати компании како шведскиот „Волво“ (Volvo AB).
