„Мајкрософт“ (Microsoft Corp.) најави големи инвестиции во вештачка интелигенција, но компанијата не очекува четботот ChatGPT во скоро време да стане дел од нејзината програма за обработка на текст „Ворд“ (Word).
Софтверската компанија во понеделникот објави дека ќе инвестира 10 милијарди долари во „Опен еј-ај“ (OpenAI), чија алатка ChatGPT може да генерира одговори слични на човечките и тоа за само неколку секунди, врз основа на групи обработени податоци. „Мајкрософт“ планира да ја интегрира технологијата во своите „Тимс“ (Teams) и „Офис“ (Office) пакети, обидувајќи се да добие предност пред ривалите како „Алфабет“ (Alphabet Inc), „Амазон“ (Amazon.com Inc.) и „Мета“ (Meta Platforms Inc.) во трката за производи кои се потпираат на вештачка интелигенција.
„Ќе бидеме предводници во ерата на AI (вештачката интелигенција)“, рече извршниот директор на „Мајкрософт“, Сатја Надела во вторникот за време на презентацијата на финансиските резултати за вториот квартал. Иако рече дека софтверскиот пакет Мајкрософт 365, кој вклучува апликации како што се „Тимс“, „Ворд“ и „Ексел“, „брзо се развива“ за да вклучи вештачка интелигенција, Надела не даде попрецизна временска рамка за овој процес.
Прочитај повеќе
„Мајкрософт“ сака да додаде популарен четбот на својата услуга Азур
Софтверскиот гигант објави за широка достапност на својата услуга Азур опен еј-ај, која досега можеше да ја употребува ограничена група.
17.01.2023
„Мајкрософт“ воведува неограничен годишен одмор
„Мајкрософт“ објави дека ќе ја промени политиката за годишен одмор.
12.01.2023
„Мајкрософт“ планира да инвестира 10 милијарди во популарен четбот
Претставниците на „Мајкрософт“ и „Опен еј-ај“ одбија да коментираат.
10.01.2023
„Мајкрософт“ ќе подели 10.000 откази со надомест од 1,2 милијарда долари
Отказите предвидени за оваа година претставуваат околу пет проценти од вкупната работна сила на компанијата.
18.01.2023
Во меѓувреме, растот на приходите на компанијата забави, а побарувачката меѓу компаниите и индивидуалните потрошувачи ослабе. Минатата недела компанијата најави дека ќе го намали бројот на вработени за 10.000, што (барем делумно) беше предизвикано од растечката економска неизвесност.
Претходно во вторникот беше соопштено дека профитот на компанијата е 2,32 долари по акција, а приходите од продажба се зголемиле на 52,7 милијарди долари. Аналитичарите анкетирани од „Блумберг“ очекуваа заработка по акција од 2,3 долари и приход од 52,9 милијарди долари.
.webp){kind=icon}
