Производителот на очила за проширена реалност „Ексрил“ (Xreal) собира свежа рунда на финансирање, со која ќе надмине милијарда долари, според главниот извршен директор Чи Ксу, со цел да стекне предност пред идните уреди од „Епл“ (Apple Inc.), „Мета“ (Meta Platforms Inc.) и „Гугл“ (Google).
„Ова ќе ни помогне да ги зголемиме нашите производствени способности и истражување и развој“, рече тој, додавајќи дека компанијата има доволно капацитет да ја задоволи побарувачката за своите очила годинава, но потребни се пари за да ги исполни нарачките во 2025 година.
„Ексрил“ сака да отвори патека за проширената реалност - технологија што преклопува податоци и слики преку перспективата од реалниот свет. Компанијата држеше околу половина од пазарот за уреди само за проширена реалност во третиот квартал од минатата година, според истражувачката компанија ИДЦ (IDC). Поголемиот комбиниран пазар за виртуелна реалност и проширена реалност - познат како мешана реалност - ја етаблира „Мета“ како лидер, проследена од „Сони“ (Sony Group Corp.) и „Бајтденс“ (ByteDance Ltd.), а „Ексрил“ држи околу 4 отсто од вкупниот пазар.
Прочитај повеќе
„Епл“ влегува во нова област со уред што чини 3.500 долари
Очилата за проширена реалност на „Епл“ ќе чинат 3.499 долари.
06.06.2023
Чи рече дека неговата компанија има можност да произведе помеѓу 500.000 и милион единици годинава. Инвестицијата треба да овозможи производство на два милиона уреди следната година. Компанијата очекува да генерира приходи од 100 до 150 милиони долари годинава и помеѓу 200 и 300 милиони долари во 2025 година, според Чи, кој рече дека сака „Ексрил“ да излезе на берзата во САД во рок од две години.
Бизнисот, кој постои веќе седум години, сега има околу 600 вработени и е со седиште во Пекинг. Очилата „ер“ (Air) на компанијата прикажуваат известувања, игри и видеа во видното поле на корисникот. Чи рече дека производите на „Ексрил“ имаат придобивки од поскапата технологија од „Меџик лип“ (Magic Leap Inc.) и „Мајкрософт“ (Microsoft Corp.), кој продава очила наречени „холо ленс“ (HoloLens).
„Изминатата 2023-та беше многу добра година, а големината на пазарот практично се удвои“, рече Чи. Компанијата, која рече дека поголемиот дел од продажбата го добива од веб-страницата на „Амазон“ (Amazon.com Inc.), нуди очила со проширена реалност само за неколку стотици долари. Но, таа верува дека нејзиниот најнов пар - „ер 2 ултра“ (Air 2 Ultra) - е она што ќе ги придвижи идните приходи.
„Постојат добри шанси да направиме 50.000 единици ’ултра’ годинава“, рече Чи, додавајќи дека поевтините модели се „дефинитивно полесни за продажба“ и дека масовните потрошувачи не бараат толку многу деликатни опции какви што би можеле да добијат на ривалските производи.
„Ексрил“ не планира да влезе во виртуелната реалност - поимпресивна технологија што се користи во новиот „вижн про“ (Vision Pro) на „Епл“ - но Чи верува дека неговата компанија ќе се натпреварува со производителот на ајфони во годините што доаѓаат.
„Мислам дека сме од три до пет години пред нив во проширената реалност“, рече Чи. „Сепак, тие фаќаат чекор. Затоа треба да продолжиме и да ја поместиме границата“.
За време на развојот на „вижн про“, „Епл“ работеше и на лесни очила само за проширена реалност слични на она што го нуди „Ексрил“. Компанијата ја паузираше работата на тој уред поради ставот дека технологијата сè уште не е подготвена, објави „Блумберг њуз“ минатата година. „Мета“ и „Гугл“ соопштија дека во наредните години планираат свои очила со проширена реалност.
.webp){kind=icon}
