.webp){kind=icon}
Стартапот за вештачка интелигенција „Екс еј-ај“ на Илон Маск собра шест милијарди долари за да го забрза својот предизвик кон поранешните сојузници во „Опен-еј-ај“.
Рундата од Серија Б, објавена во блог на 26 мај, доаѓа помалку од една година по дебито на „Екс еј-ај“ и означува една од најголемите инвестиции во полето на развој на алатки за вештачка интелигенција. Маск беше ран поддржувач на вештачката интелигенција, поддржувајќи го „Опен еј-ај“ пред да го воведе ЧетГПТ кон крајот на 2022 година.
Тој подоцна ја повлече својата поддршка од потфатот и се заложи за претпазливост поради потенцијалните опасности од технологијата. Тој беше меѓу големата група лидери во индустријата што бараа пауза во развојот на вештачката интелигенција минатата година.
Маск во ноември лансира ривал на ЧетГПТ на „Опен еј-ај“, наречен Грок, кој беше обучен и интегриран во Х, социјалната мрежа порано позната како Твитер. Тоа досега беше највидливиот производ од работата на „Екс еј-ај“ што ја водат директори со претходно искуство во „Дипмајнд“ на Алфабет“, „Мајкрософт“ и „Тесла“.
Неговото вреднување пред парите беше 18 милијарди долари, наведе Маск во објавата на X.
Финансирањето на ривалот на „Опен еј-ај“ (OpenAI) доаѓа по кампањата што ги истакна потенцијалните придобивки за инвеститорите, вклучувајќи ги и резултатите на Маск во „Тесла“ (Tesla Inc.) и „Спејс екс“ (SpaceX), посочувајќи дека „Екс еј-ај“ ќе може да сe обучува на висококвалитетни податоци од X, рече лице запознаено со ова прашање.
Пристапот до податоци е клучен за градење големи јазични модели - технологија што ги напојува четботовите со вештачка интелигенција, област каде што „Екс еј-ај“ има цел да се натпреварува со други богато финансирани фирми како што е „Опен еј-ај“.
Компанијата има намера да ги искористи средствата за да ги донесе своите први производи на пазарот, да изгради напредна инфраструктура и да го забрза развојот на идните технологии, се наведува во блогот.
