text size
Назив, место и година на основање на компанијата
- НЛБ Банка АД Скопје- Ул. Мајка Тереза бр.1, Скопје
НЛБ Банка АД Скопје е основана во 1985 година како интерна банка на тутунската индустрија, а од 1993 година работи како комерцијална банка којашто ги извршува сите банкарски услуги за клиентите од земјата и од странство. Уште од самите почетоци е една од водечките банкарски институции во Република Северна Македонија, со постојан тренд на пораст и континуирано позитивни резултати. Банката спаѓа во системски значајни банки и е трета најголема банка во Република Северна Македонија според нето- активата. Стратешки акционер на Банката е Нова Љубљанска Банка (НЛБ) д.д. Љубљана со 86,97 отсто учество во вкупниот капитал. Банката е членка на НЛБ Групацијата од 2000 година. НЛБ Банка претставува еден вид „економски амбасадор“ на Словенија и една од најуспешните словенски инвестиции во Република Северна Македонија.
Дејност – опис на најважните производи:
НЛБ Банка Скопје во своето портфолио на производи и услуги за физички и правни лица Банката нуди: сметки (трансакциска сметка, трајни налози), плаќања (платен промет во земјата и странство, WesternUnion), депозити и штедење, кредити (станбен, потрошувачки, автомобилски, хипотекарен), картички (Visa, Master, NLB happy card, ко-брендирани картички), пакет понуди, хартии од вредност (тргување со хартии од вредност, старателски услуги, портфолио менаџмент и инвестиционо советување, државни хартии од вредност) банкоосигурување, електронско и мобилно банкарство и др.
Број на вработени:
Бројот на вработени во НЛБ Банка надминува 900.
Пазар:
Република Северна Македонија
Нето профит 2021: 36,1 милиони евра
ROE at 30,2 проценти
Општествена одговорност:
Грижата за општото добро претставува еден од највисоките приоритети на НЛБ Банка, втемелена во компаниските вредности и интегрален дел од деловната политика, а одговорното работење е клуч на успехот и темел на незапирливиот раст и развој на Банката. Стратегијата за општествена одговорност на НЛБ Банка се базира на унапредување и подобрување на целокупниот квалитет на животот на поединците, семејствата, институциите и организациите во поширокото окружување, преку поддршка на проекти од хуманитарен карактер, но и од областа на културата, спортот, науката, образованието, заштитата на животната средина, децата и младите. Банката ги поддржува организациите и иницијативите кои се залагаат за почит и еднаков третман, деловна етика и хуманизам, како и меѓународната декларација за човекови права и еколошката декларација. НЛБ Банка Скопје делува согласно Методологија за корпоративна општествена одговорност, која ги дефинира основните области на одржливо работење. Постулатите на општествено одговорното работење на НЛБ се грижата за своите вработени и заштитата на законитоста и интегритетот, како и промоција на претприемништвото, зголемување на финансиската писменост и менторство, поддршка на професионални и младински спортови, хуманитарни активности и заштита на културното наследство, во согласност со Принципите на ОН за одговорно банкарство. НЛБ Банка е потписник на Принципите за одговорно банкарство на Обединетите нации, каде потписници се повеќе од 180 банки од целиот свет. Принципите на одговорно банкарство ја дефинираат улогата и одговорноста на банките во обликувањето на одржлива иднина. Истовремено, помагаат во усогласување на целите на Банките со целите за оддржлив развој на ОН и Парискиот договор за климатските промени од 2015 година.
Визија/стратегија:
Наша цел е да бидеме помеѓу водечките финансиски институции во земјата. Да обезбедиме повисоко ниво на квалитет на услугите, современа понуда на нови продукти и градење традиција на Банката. Преку ефикасноста и економичноста во работењето да оствариме профит.
Мисија:
Како дел од НЛБ Групацијата имаме обврска да ја негуваме културата на одговорност кон клиентите, да работиме во согласност со законодавството, правилата на струката, начелата на извонредност и интегритет, како и да негуваме приспособлива организација на НЛБ Групацијата. Довербата кон клиентите, колегите, сопствениците и компанијата во која работиме ни наложува голема одговорност. Ја оправдуваме така што, преку соработка со учесниците, се залагаме за позитивни промени, взаемна корист и раст. Притоа, вклучувајќи ги нашите вредности во сѐ што работиме, придонесуваме за позитивен развој на нашата околина.
