Финтек-компанијата „Иуте пеј Македонија“ (Iute Pay), дел од естонската „Иуте груп“ (Iute Group), доби официјална лиценца од Народната банка на Република Северна Македонија за издавање електронски пари и давање платежни услуги. Со оваа лиценца компанијата го заокружува својот финансиски екосистем на македонскиот пазар, проширувајќи се од кредитирање кон осигурување и дигитални платежни решенија.
Новата лиценца ѝ овозможува на „Иуте пеј“ да нуди услуги како отворање платежни сметки, дополнување дигитален паричник, користење бескартични банкомати, трансфер на средства во реално време, како и брзи и безготовински плаќања преку QR код.
„Лиценцирањето не е само регулаторен чекор, туку почеток на револуција во начинот на кој се користат финансиските услуги во земјава. Наша мисија е да понудиме брзи, сигурни и кориснички ориентирани решенија, со врвна технологија и иновација“, изјави Александар Петковски, извршен директор на „Иуте пеј Македонија“.
Компанијата исто така најави дека ова е само првиот чекор во нејзината посветеност кон дигитална трансформација и финансиска инклузија. Зад „Иуте пеј“ стои „Иуте груп“ – меѓународна финтек-групација со седиште во Естонија, која е веќе присутна на неколку европски пазари со модерни дигитални финансиски решенија.
За разлика од традиционалните банки, институциите за електронски пари нудат поголема флексибилност и брзина, со целосен фокус на дигитализација, мобилност и самостојна контрола на финансиските услуги од страна на корисниците.
.webp){kind=icon}
Во моментов нема коментари за веста. Биди прв да коментира...