Заинтересираните за купување на Манчестер Јунајтед ќе мора да ги подигнат своите понуди доколку имаат намера да го купат тимот, пишува „Фајненшл Тајмс“.
Понудите на катарскиот шеик Џасим бин Хамад ал Тани и британскиот милијардер Џим Ретклиф за купување на Манчестер Јунајтед не се доволно високи за семејството Глејзер да го продаде клубот, пишува „Фајненшл тајмс“, повикувајќи се на лице блиско до ситуацијата.
Глејзери добија и голем број предлози од други потенцијални купувачи. Тие вклучуваат неколку предлози за малцински инвестиции кои ќе им овозможат да соберат капитал по поатрактивна цена и да ја задржат контролата врз клубот, пишува „Фајненшл Тајмс“, цитирајќи го лицето. Никој не излезе јавно да коментира.
Понудувачите се согласиле на договори за тајност. Од понудувачите е побарано да го исполнат неформалниот рок за предлози минатата недела и може да им се даде пристап до дополнителни финансиски информации веднаш следната недела, објави „Фајненшл тајмс“.
.webp){kind=icon}
