Борис Џонсон, премиерот на Велика Британија ја разгледува можноста да им понуди на Британците можност за подолги хипотеки, кои ќе можат да бидат пренесувани од колено на колено. Ова е најновиот потег на владата за да ја стимулира побарувачката на нови станови.
На купувачите би можело да им се понудат хипотеки на 50 или повеќе години, така што постоечкиот долг ќе им биде префрлен на нивните деца кога ќе починат, вели познавач на темата. Подолгото време за исплата на заемите би им овозможило на сопствениците на домови да платат повеќе за имотите, бидејќи ќе имаат пониски месечни давачки.
Продажбата на домови опаѓа, додека истовремено растат цените на станбените објекти. Владата се надева дека ќе ја поттикне побарувачката, а размислува и за воведување на 30-годишни фиксни рати за заем за купување дом, хипотеки што покриваат речиси 100 отсто од имотот, како и начини да се комибинираат изнајмувањето и купувањето на имот, открива Bloomberg News.
„Сакаме да најдеме колку што е можно повеќе креативни начини со кои ќе им помогнеме на граѓаните да станат сопственици на домови“ – соопшти Johnson за време на посетата на Мадрид за НАТО самитот, оваа недела. „Потребно ни е младите луѓе да имаат довербата, да имаат пакет со кој ќе можат да станат сопственици на дом“.
Bloomberg
На прашањето дали се размислува за хипотеки што ќе се предаваат од колено на колено, премиерот на Обединетото Кралство одговори: „Да, секако“.
Плановите се се уште во раните фази, и владата се уште ги нема соопштено деталите за мерките. Но, обидот да се зголеми побарувачката на овој начин ќе наиде на критики. Критичарите сметаат дека треба да се зголеми понудата на објекти за купување.
„Не се хипотеките она што ги спречува луѓето да купат дом; туку разликата меѓу цената на објектите и приходите на граѓаните,“ изјави Scott Taylor-Barr, финансиски советник во Carl Summers Financial Services.
„Проблемот нема да се реши ако ги поттикнеме луѓето повеќе да се задолжат, за да го решиме проблемот мораме да најдеме начини да изградиме повеќе домови, на места каде што луѓето сакаат и мораат да живеат“.
Рокот на хипотеките во Обединетото Кралство расте додека растат цените на објектите. Повеќе лидери до сега предложиле хипотеки подолги од традиционалните 25 години, а максимумот на пазарот во моментов изнесува околу 40 години.
.webp){kind=icon}
Во моментов нема коментари за веста. Биди прв да коментира...