Сопственикот на „Зара“ си купи облaкодер во Чикаго

Амансио Ортега, милијардерот основач на синџирот за облека „Зара“ (Zara), се стекна со луксузна станбена зграда во Чикаго за 232 милиона долари, додавајќи го и овој објект во своето растечко портфолио на имот во САД.

Семејната канцеларија на Ортега, „Понтегадеа“ (Pontegadea), ја купи „727 Вест Медисон“ (727 West Madison) од заедничко вложување на „Арес“ (Ares Management) и „ФФ ријалити“ (F&F Realty), според портпаролот на компанијата.

Аквизицијата ја додава зградата од 45 ката со 492 стана од висока класа на растечкиот список на познати објекти во САД во сопственост на Ортега, вклучувајќи ги и седиштето на „Мета“ (Meta Platforms Inc.) во Сиетл и зградата „Ховолут“ (Haughwout) на Менхетн.

Полн со богатство од 75 милијарди долари главно од неговиот контролен удел во шпанската компанија за облека „Индитекс“ (Inditex SA), Ортега акумулира имотно портфолио што минатата година беше проценето на 18,1 милијарди евра (19,7 милијарди долари).

Амансио Ортега Bloomberg

Најбогатиот човек во Шпанија во 2022 година потроши околу милијарда долари за купување магацини во САД додека се диверзифицираше надвор од неговиот традиционален фокус на канцелариски и малопродажен простор.

Некои од најновите аквизиции на „Понтегадеа“ вклучуваат логистички центар на околу 60 милји источно од Лос Анџелес, магацин во Холандија и деловна зграда во центарот на Лондон.

Веста за купувањето на „727 Вест Медисон“ беше објавена претходно од „Рил дил“ (The Real Deal).

„Понтегадеа“ исто така поседува удели во енергетски и телекомуникациски инфраструктурни оператори и генератори на обновлива енергија, вклучувајќи и удели во португалскиот оператор за електрична енергија и гасна мрежа РЕН (REN-Redes Energeticas Nacionais SGPS) и во шпанскиот дистрибутер на електрична енергија „Редеја“ (Redeia Corporacion SA).

Во моментов нема коментари за веста. Биди прв да коментира...

Остави коментар