Германската компанија БМЗ за производство на литиумјонски батерии влегува на македонскиот пазар со инвестиција од 65 милиони евра во технолошко-индустриската развојна зона Скопје 2. Се планира отворање на 775 нови работни места.
Договорот за инвестицијата денеска во Франкфурт го потпишаа извршниот директор и основач на БМЗ, Свен Бауер, и директорот на Дирекцијата за технолошко-индустриски развојни зони (ДТИРЗ), Јован Деспотовски, во присуство на вицепремиерот за економски прашања Фатмир Битиќи и Јелица Ивановска, генерална менаџерка на „БМЗ Македонија“.
МИА
Вицепремиерот Битиќи по потпишувањето рече дека стабилното и предвидливо деловно опкружување, кое влева доверба, и низата конкурентни мерки за поддршка на нови инвестиции дале конкретен резултат, БМЗ по само неколкумесечни разговори со претставници на државата да донесе одлука за реализација на инвестицијата и изградба на фабрика во ТИРЗ Скопје 2.
„Радува фактот дека инвестицијата ќе се реализира од високотехнолошки напредна компанија, која својот раст и развој ги проектира врз основа на истражување и развој на напредно знаење, што значи дека во нашето стопанство ќе донесе иновативни технологии, практики на управување и експертиза, кои наедно може да се пренесат и на домашните компании во Северна Македонија“, изјави Битиќи.
Во новиот капацитет, БМЗ ДООЕЛ Скопје, ќе се врши сериско производство на батериски производи. Вкупната инвестиција ќе се реализира во период од десет години. Изградбата на фабриката е планирано да започне кон крајот на 2023 година и да заврши најдоцна за 24 месеци.
Деспотовски и Битиќи најавија дека за потребите на инвестицискиот проект ќе се работи во фабрика во ТИРЗ Скопје 2, организирана во три модули за производство и администрација, со вкупна површина од 12.000 квадратни метри плус логистички центар.
Групацијата БМЗ е лидер во обезбедување цел животен циклус на литиумјонски батериски системи со примена во различни индустрии. Седиштето на компанијата е во Карлштајн на Мајна, Германија. Производствените капацитети на групацијата се лоцирани во Германија, Кина, Полска и во САД, а има отворено претставништва за продажба во Јапонија, Велика Британија и во Франција.
.webp){kind=icon}
Во моментов нема коментари за веста. Биди прв да коментира...