Неонски жолти и розови скулптури на коњи ќе се појават низ делови на австриската престолнина од 18 до 22 мај годинава. Тоа е сигнал дека конференцијата „Виена ап“ (ViennaUP), организирана од Виенската бизнис агенција, ја враќа во живот стартап и иновативната сцена во Виена. Петдневниот фестивал привлекува инвеститори, основачи и други бизнис лидери од регионот и од целиот свет. „Виена ап“ (ViennaUP) стана бизнис настан кој не може да се пропушти, а е и совршена можност да се сретнат други основачи, инвеститори, експерти и инспиративни претприемачи.
Повеќе од само конференција
„Виена ап“ е еден од најголемите стартап настани во Европа. Експерти за технологија и вештачка интелигенција ќе се сретнат со инвеститори и клучни играчи во стартап сцената на над 35 посебни случувања низ градот со повеќе од 10.000 учесници. Фестивалот е распослан на повеќе локации во градот и се базира на моќта на заедницата. Посетителите ќе ја запознаат Виена низ очите на нејзините жители и ќе доживеат сè што нуди петтиот најголем град во Европската Унија.
Настани каде што можете да ги остварите најважните познанства
На конференцијата „Виена ап“ (ViennaUP), можете да присуствувате на одлични можности за вмрежување на низа настани, како што се Connect Day 26, Impact Days, Founders & Future Founders Breakfast и секогаш популарниот GIN & Friends.
Друг омилен настан се ViennaUP Coffee House Sessions. Како дел од овој настан, учесниците можат да се сретнат во традиционални виенски кафулиња и да разменуваат идеи со најголемите експерти и најискусните инвеститори, како и да добијат вредни повратни информации за нивните бизнис идеи.
Promo/Festival ViennaUP, foto: Philipp Lipiarski
Свежи формати и актуелни теми
Во своето шесто издание, фестивалот вешто комбинира возбудливи формати со актуелни бизнис теми, од вештачка интелигенција и финансии до одржливост и социјално влијание. Покрај цела низа други омилени настани, тука е и {founders only}, кој е наменет исклучиво за основачи на компании кои собрале најмалку 500 илјади евра. Таму, претприемачите ќе можат да ги споделат своите искуства и да учат едни од други.
Виена е едно од официјалните седишта на Обединетите нации и е познат како град на дијалог за меѓународни прашања. Тридневниот Глобален конгрес на WSA се фокусира на дијалогот меѓу земјите. Доколку сте заинтересирани за вештачката интелигенција и како таа влијае на светот, посетете ја конференцијата Human x AI. На самитот Road to Global x Tech Summit и The Recursive CEE Forum, можете да се сретнете со иноватори кои бараат меѓународни партнерства.
Градот домаќин се гордее со развиен сектор за медицинска технологија и биолошки науки, што се одразува и во серија нови настани: From Pitch to Patient, The Future of Health and Age Tech: Pitch Session, Onco:Innovate, Lab to Leader: Building Science Ventures That Last и Longevity Business Forum.
Првиот чекор кон меѓународна експанзија
Меѓународната работна сила, високо развиената технологија и инфраструктура и исклучително високиот животен стандард ја прават Виена одличен избор за бизниси од сите големини. Благодарение на својата стимулативна средина и дарежливите можности за финансирање, градот е отскочна даска за пазарот на германското говорно подрачје и остатокот од Европа и нуди високо ниво на поддршка за компаниите во развој.
Секој што е заинтересиран да дознае повеќе за основање компанија во Виена или преместување на својот бизнис таму, може директно да се упати кон работилниците “Do it right”: Basics for company founding in Vienna i Best practices for expanding your business to Vienna.
Promo/Festival ViennaUP, foto: Philipp Lipiarski
Превоз и сместување во Виена
ViennaUP ги привлекува најуспешните претприемачи од регионот и од целиот свет, кои можат да ги искористат специјалните понуди за превоз и сместување во Виена за конференцијата.
Конференцијата ќе се одржи од 18 до 22 мај, а билетите се веќе во продажба. Запознајте се со виенскиот свет на стартапи: инвеститори, основачи, експерти и вистинските контакти кои можат да ви помогнат да ја лансирате вашата компанија на меѓународно ниво. За повеќе информации, посетете ја веб-страницата на конференцијата: viennaup.com.
.webp){kind=icon}
