Новиот сопственик на Лејкерс вложи 215 милиони долари во „Амазон“

Џошуа Кушнер, кој штотуку стана новиот косопственик на НБА тимот Л.А. Лејкерс, објави дека преку својата „Трајв Капитал“ (Thrive Capital)  купил акции во вредност од околу 215 милиони долари во „Амазон“ (Amazon.com Inc.), со што оваа фирма за ризичен капитал направи уште една голема инвестиција во компанија котирана на берза.

Инвестицијата, објавена во пријавата до регулаторите во петокот, ќе му даде на „Трајв“ изложеност кон голема фирма која јава на бранот на вештачката интелигенција, вклучително и преку обезбедување алатки за купување со агентска вештачка интелигенција и компјутерска инфраструктура за други бизниси. Претходно месецов „Амазон“ за прв пат надмина три билиони долари во пазарна вредност, станувајќи само петтата компанија досега што ја достигна таа точка.

Од „Трајв“ одбија да коментираат. Претставник на „Амазон“ не одговори веднаш на барањето за коментар.

„Трајв“ е најпознат по своите рани инвестиции во компании како што се „Спејс екс“, „Страјп“ и “Опен еј-ај“, од кои оваа последната компанија е исто така поддржана од „Амазон“. Фирмата за ризичен капитал , исто така, постепено се прошири вклучувајќи ги уделите во  јавно тргувани компании, како  „Фигма“ (Figma Inc.), „Стабхаб Холдингс“ (Stubhub Holdings Inc.) и „Оскар Хелт“ (Oscar Health), кои Кушнер ги ко-основаше и го поддржа развојот во раните фази.

Претходно оваа година, „Трајв“ ги информираше своите акционери дека инвестирале околу 100 милиони долари во „Шопифај“ (Shopify Inc.), компанија за е-трговија, наведувајќи ги поволните аспекти во е-трговијата што ги носи вештачката интелигенција, претходно објави Блумберг.

Во писмо испратено до партнерите во фирмата претходно оваа недела, Кушнер даде повеќе информации за неговото размислување за овие инвестиции. „Многу од нашите компании што се во фаза на раст се натпреваруваат, соработуваат или стануваат следната генерација котирани технолошки компании“, се вели во писмото. „Колку е попрецизно нашето разбирање на берзите, толку подобро ќе биде нашето расудување на приватните пазари“.

Џошуа Кушнер, е инаку брат на зетот на претседателот Доналд Трамп, Џаред Кушнер, и поседува или е партнер во повеќе инвестициски компании насочени кон различни области. Најнова му е компанијата „Трајв Етернал“ (Thrive Eternal), која е насочена кон културни институции и спортски франшизи.