А1 Македонија, дел од А1 Телеком Австрија Групацијата, објави дека заедно со својот стратешки партнер Acronis ја проширува својата понуда со нова услуга за сајбер безбедност што вклучува најсовремен начин за креирање резервни копии на податоците (backup) и разновидни безбедносни контроли.
„A1 Cyber Backup е наменет за деловни клиенти во сите сегменти и обезбедува заштита од губење на податоци предизвикани од човечки грешки како што се ненамерно бришење датотеки, природни катастрофи, неоптимално складирање на податоци или малициозен софтвер. Решението ја комбинира интелигенцијата на безбедните решенија за backup на Acronis и безбедното складирање на податоците во професионално одржуван дата центар на А1 лоциран во Европа, така што во случај на изгубени или оштетени податоци клиентот може да ги врати информациите од резервната копија, велат од компанијата.
Вториот дел од услугата е сајбер заштита: напредна безбедност заснована на вештачка интелигенција против ransomware и друг малициозен софтвер што ги штити и резервната копија и продукциската околина на клиентот. Услугата вклучува многу функции за автоматска заштита на податоците како и кориснички интерфејс каде што може лесно да се управуваат сите конфигурации.
A1 Cyber Backup услугата е достапна и за деловните субјекти во Австрија, Бугарија, Словенија и Србија.
Acronis ги обединува заштитата на податоците и сајбер-безбедноста за да испорача интегрирана, автоматизирана сајбер-заштита која ги решава предизвиците за безбедност, пристапност, приватност, автентичност и безбедност (SAPAS) на современиот дигитален свет.
Основана во Сингапур во 2003 година и инкорпорирана во Швајцарија во 2008 година, Acronis сега има повеќе од 2.000 вработени на 34 локации во 19 земји. Решението Acronis Cyber Protect е достапно на 26 јазици во над 150 земји и се користи од над 20.000 даватели на услуги за заштита на над 750.000 бизниси.
.webp){kind=icon}
