.webp){kind=icon}
На предлогот на Илон Маск за заживување на преговорите за преземање на „Твитер“ (Twitter Inc.) за 44 милијарди долари му претходеле неуспешни обиди на милијардерот да ја намали цената, наведуваат извори за Bloomberg.
Претставниците на Маск и претставниците на компанијата во претходните недели преговарале за цена пониска од 54,2 долари по акција, но преговорите не вродиле со плод, додаваат изворите кои побарале да останат анонимни.
За преговорите претходно пишуваа „Волстрит џурнал“ (Wall Street Journal) и „Њујорк тајмс“ (New York Times), а во извештајот на „Тајмс“ се споменува дека Маск се обидел да преговара за 30 отсто пониска цена.
Прочитај повеќе
‚Твитер‘ го возвраќа ударот, поднесе тужба против Маск
Тужбата ја поставува сцената за она што се очекува да биде внимателно следена судска битка меѓу Маск и ‚Твитер‘
13.07.2022
Маск продаде околу 8 милиони акции на 'Тесла' имајќи го 'Твитер' на ум
Извршниот директор на „Тесла“ (Tesla) и најбогат човек на планетата, Илон Маск продал 7,92 милиони акции на компанијата во вредност од 6,9 милијарди долари на 5 август.
10.08.2022
Маск додаде свиркач како нова причина да го откаже договорот со 'Твитер'
Маск ги наведе неодамнешните обвинувања од свиркач на „Твитер“ како нова причина да го прекине преземањето на платформата во вредност од 44 милијарди долари.
30.08.2022
Маск сакал да ја одложи зделката со Твитер поради ризик од светска војна
Адвокатите на 'Твитер' сакаат да го убедат судот дека Маск се откажал од договорот од 44 милијарди долари поради т.н. „каење на купувачот“.
07.09.2022
'Твитер' на свиркачот му платил 7 милиони долари за да молчи
Плаќањето беше спомнато на рочиштето на 6 септември во тужбата меѓу „Твитер“ и Маск.
09.09.2022
Договор со Твитер би отворил пат за идејата на Маск 'Х, апликација за сè'
Илон Маск понуди да го купи „Твитер“ по првичната цена од 54,20 долари по акција, што би му помогнало да избегне судска вмешаност.
05.10.2022
Претставниците на Twitter одбија да коментираат, а правниот тим на Маск не одговорил на прашањата до моментот на објавувањето на веста.
Претходно неделава, Маск во допис до компанијата посочи дека се согласува да продолжи со договорот, по првично утврдената цена. Според изворите на Bloombrerg, сведочењето кое требаше да се одржи во текот на денот нема да се одржи.
Двете страни би можеле да го потпишат договорот веќе следната недела доколку се договорат за сите клаузули, но во моментот за тоа нема гаранции, додаваат изворите. Во тоа сценарио банките треба да ги покријат долговите и да ја спроведат заедничката понуда по потпишувањето.
Судијката од Делавер, Кеталин Меккормик, во средата рече дека судењето ќе продолжи на 17 октомври бидејќи досега ниту една страна во спорот не побарала запирање на процесот. Претходно неделава, Маск во понудата рече дека е подготвен да потпише купопродажен договор доколку тужбата биде отфрлена.
