.webp){kind=icon}
„American Express Co“ падна откако одвои повеќе пари за лоши заеми отколку што очекуваа аналитичарите, сугерирајќи дека растечките каматни стапки може да ја намалат способностите на клиентите да ги плаќаат своите сметки. Резервациите за лоши заеми изнесуваа 778 милиони долари во третиот квартал, што е полошо од очекувањата на аналитичарите од Блумберг дека износот ќе биде околу 573 милиони долари.
„American Express Co“ со месеци ги предупредуваше инвеститорите дека отплатата за нив ќе се зголеми бидејќи потрошувачите почнуваат се' повеќе да позајмуваат по пандемијата. Нето стапката на отплата скокна на 1,1 отсто од 0,8 проценти, колку што беше лани.
„Се враќаат на нешто повисоко ниво, точно како што очекувавме“, рече главниот финансиски директор Џеф Кемпбел.
Акциите на компанијата, која годинава изгуби 13 проценти од вредноста заклучно со вчера, утрово паднаа за 4,4 проценти, на 136,12 долари.
За сега „AmEx“ и неговите конкуренти имаат корист од историски високите цени. Тоа значи дека комапнијата зема дел од продажните цени секој пат кога потрошувачот ќе употреби една од нивните платежни картички на каса. Но, инвеститорите се загрижени дека напорите на американските Федерални резерви (ФЕД) да ја подигнат каматната стапка и да ја намалат инфлацијата може да предизвика рецесија и да доведе до поголеми загуби по картичките.
Додека дополнителните резервирања ја намалуваат добивката, заработката по акција и натаму ги надминува проценктие. Од „AmEx“ рекоа дека имаат рекорден број на платиниумски купувачи во третиот квартал, со што ги зголемија приходите за 24 отсто и сега се на највисоко историско ниво. Тоа ги поттикна раководителите да ги зголемат своите прогнози за добивка.
Гигантот за кредитни картички рече дека сега очекува добивката по акција да го надмине претходно прогнозираното ниво меѓу 9,25 и 9,65 долари.
„Продолживме да регистрираме високо ниво на ангажман на купувачите, на аквизиции и лојалност во нашата база на членови со премиум картички“, рече денеска главниот извршен директор Стив Скуери. „Побарувачката за патувања ги надмина дури и нашите годишни очекувања“, додаде тој.
Потрошувачка за патувања
„AmEx“ рече дека потрошувачката за патувања порасна за дури 57 проценти во текот на третиот квартал. Но, вкупиот волумен на мрежата на компанијата порасна за 19 проценти, на 394,4 милијарди долари, не достигнувајќи ја со тоа проценката од 401,7 милијарди долари.
Скуери рече дека „AmEx“ го зголеми бројот на своите картички за 3,3 милиони во последниот квартал, при што аквизициите на потрошувачките платиниумски и златни картички достигнаа рекордна вредност.
