Мтел, членка на Телеком Србија групацијата, од денеска почнува да нуди нови услуги во Македонија и тоа мобилна телефонија и интернет, како и пакет услуги кои што ја вклучуваат и сателитската телевизија што веќе една година е на располагање на корисниците.
„Мтел со ова ја проширува својата понуда на врвни сервиси и ексклузивни дигитални содржини, кои што на корисниците им нудат едно поинакво искуство во доменот на телекомуникациите“, велат од компанијата во своето соопштение.
Една од главните предности на Мтел е тоа што е единствениот телекомуникациски оператор што овозможува бенефиции и пристап до ексклузивни дигитални содржини и за своите при пејд корисници.
Мтел
„За овие година дена, колку што сме присутни на пазарот, корисниците имаа прилика да нè запознаат, да ги пробаат услугите и поддршката која што им ја нудиме. Од денеска можат да ни се обратат и за врвно искуство во мобилната телефонија и интернетот, телевизија и пакет услуги. На корисниците особено внимание би им осврнал кон нашата понуда во при пејд сегментот, за која што сме уверени дека ќе претставува вистинско освежување на пазарот. Она што не издвојува, исто така, е понудата на дигитални сервиси. Нашите корисници ќе можат да добијат ексклузивен пристап до две апликации „mPlay TV“ и „Balkan МYusic“, кои што нудат најдобар избор на содржина за забава, како серии и филмови, така и атрактивна музика“, изјави генералниот директор на Мтел, Марко Лопичиќ.
Мтел
Телеком Србија групацијата, во чии рамки делува и Мтел, настојува на секој пазар каде што е активна да понуди квалитетни услуги и врвна понуда, секогаш подобрувајќи го искуството на корисниците, велат од компанијата. Фокусот е ставен на корисниците без обврзувачки договор бидејќи менаџментот на компанијата верува во квалитетот на услугите што ги нудат по пристапни и конкурентни цени и на тој начин не чувствуваат потреба да ги обврзуваат своите клиенти со двегодишни договори.
Генералниот директор на Телеком Србија, Владимир Лучиќ, истакна дека Мтел доаѓа од семејството на регионалниот телекомуникациски лидер, што секако позитивно ќе се одрази на квалитетот на вкупната понуда на пазарот.
Мтел
„Нè издвојува доброто познавање на деловните активности во овој регион, бидејќи нудиме услуги и ексклузивни содржини преку мултимедијални платформи на целото подрачје, од Македонија до Словенија. Од Мтел во иднина треба да очекувате нови инвестиции, отворање на нови работни места и ширење на мрежата на локални партнери. Телеком Србија во овој момент е во голема експанзија. Додека овде почнуваме да нудиме нови услуги, истовремено ги прошируваме активностите на нашите компании на подрачјето на Европа, како неодамна во Швајцарија, а планот е наскоро да бидеме присутни и на пазарите во Германија и САД“, истакна Владимир Лучиќ.
Телеком Србија групацијата веќе дава услуги од областа на мобилната телефонија, интернетот и телевизијата за повеќе од 11 милиони корисници во регионот и Европа. Компанијата константно настојува на своите корисници да им претстави нови концепти на услуги, да го унапреди искуството преку иновативна понуда, но и да биде двигател на развојот како на локалниот, така и на регионалниот пазар кон целосна дигитална трансформација.
.webp){kind=icon}
