Сагата околу преземањето на „Твитер“ (Twitter) од страна на Илон Маск, вредна 44 милијарди долари, е пред самата завршница. Потврда дојде и од американските банки, а меѓу кои се вклучени и „Морган Стенли“ (Morgan Stanley), „Банка на Америка“ (Bank of America) и Барклис (Barclays), од кои секоја посебно е подготвена да понуди заем од 2,5 милијарди долари за потфатот на Маск. Во играта има вкупно седум банки кои на Маск можат да му стават на располагање 13 милијарди долари.
Еден од инвеститорите е водечката светска крипто-берза „Бајненс“ (Binance). Подготвени се да стават на располагање 500 милиони долари. Други инвеститори се Катарската инвестициска управа (Qatar Investment Authority) и корпорацијата „Секвоја капитал“ (Sequoia Capital), која има долга историја на соработка со блокчејн и крипто-компании.
Директното влијание на Twitter врз цената на криптовалутите веќе стана пишано правило. Една објава на платформата од глобални претприемачи, инфлуенсери, инвеститори или крипто-експерти има големо влијание врз движењето на цените на одредени криптовалути. Како пример може да се посочи влијанието на најавите на Илон Маск врз цената на Dogecoin, која првично беше создадена како смешна криптовалута (memecoin), а последователно, првенствено под влијание на Маск, постигна експоненцијален раст на цената и пазарната капитализација.
Прочитај повеќе
Маск додаде свиркач како нова причина да го откаже договорот со 'Твитер'
Маск ги наведе неодамнешните обвинувања од свиркач на „Твитер“ како нова причина да го прекине преземањето на платформата во вредност од 44 милијарди долари.
30.08.2022
'Твитер' на свиркачот му платил 7 милиони долари за да молчи
Плаќањето беше спомнато на рочиштето на 6 септември во тужбата меѓу „Твитер“ и Маск.
09.09.2022
Договор со Твитер би отворил пат за идејата на Маск 'Х, апликација за сè'
Илон Маск понуди да го купи „Твитер“ по првичната цена од 54,20 долари по акција, што би му помогнало да избегне судска вмешаност.
05.10.2022
Маск наводно се обидел да го купи 'Твитер' за 30 отсто поевтино
Во извештај на „Њујорк Тајмс“ се споменува дека Маск се обидел да преговара за 30 отсто пониска цена.
06.10.2022
Маск: Очигледно е дека плаќам премногу за 'Твитер'
„Твитер“ има голем потенцијал на долг рок, но неговата вредност сега е многу помала од 44 милијарди долари, смета Илон Маск.
20.10.2022
Маск сака да отпушти 75 отсто од 7.500 вработени во 'Твитер'
Маск веќе спомена отпуштања во компанијата пред неколку месеци.
21.10.2022
Маск не ги крие своите планови за прилагодување и уредување на Twitter. Тој особено ја нагласува апсолутната слобода на говор, сугерирајќи намалување на потребата од модераторски кадар. Маск, исто така, ги анкетираше корисниците на Twitter за можноста за промени на платформата кои би вклучувале копче за едитирање.
Интересни беа одговорите на неговата анкета, при што извршниот директор на Binance, Чангпенг Жао, истакна дека за него поголем приоритет е да се реши проблемот со спам-објавите.
Coinmarketcap
За време на гостувањето во емисијата TED Talk во април годинава, Маск го истакна својот став за платформата, со акцент на слободата на говорот.
Како една од главните причини поради која работа веќе не е финализирана, Маск го истакна тоа што реалниот број на спам-налози, од првичната бројка од пет проценти, дошол до реални 20 проценти, што според него е премногу. Тој посочи дека тоа е една од работите што го „влошува“ Twitter.
„Ако имав еден Dogecoin за секоја крипто-измама што сум ја видел, веќе би имал 100 милијарди Dogecoins“.
Љубовта помеѓу Dogecoin и Илон Маск е веќе надалеку позната. Маск дури планираше да внесе Dogecoin во екосистемот на Twitter.
Интересно е да се истакне дека Dogecoin скокна за 13 проценти во последните 24 часа, додека акциите на Twitter го отворија денот во црвено, па завршија во зелено.
Coinmarketcap
Внесувањето на Dogecoin во екосистемот на Twitter сигурно ќе биде добра вест за крипто-инвеститорите и за инвеститорите во Dogecoin (DOGE), а следствено ќе биде од корист и за една од омилените криптовалути на Илон Маск.
Рокот за завршување на преземањето на компанијата истекува во петок, па аналитичарите очекуваат дека Маск ќе ја приведе работата до крај. Во спротивно, ќе треба да се соочи со судската тужба, која веќе еднаш беше одложена, токму за да се остави време за реализација на зделката.
.webp){kind=icon}
