Акционерите на „Твитер“ го тужат Илон Маск

Акционерите на „Твитер“ поднесоа тужба против Илон Маск и против компанијата за манипулирање со цената на акциите.

Инвеститорите тврдат дека директорот на „Tесла“ заштедил 156 милиони долари со тоа што не пријавил дека до 14 март купил повеќе од пет отсто од акциите на оваа социјална мрежа. Тие побараа од судот да ја признае нивната групна тужба и барањето за отштета.

Според нив, и по преминувањето на прагот од пет отсто од акциите, Маск продолжил да купува акции, за да пријави дека на почетокот на април имал 9,2 отсто од акциите.

„Со одложување на известувањето за својот удел во „Твитер“, Маск манипулираше со пазарот и купи акции на „Твитер“ по вештачки ниска цена“, се вели во обвинувањето.

 

Во моментов нема коментари за веста. Биди прв да коментира...

Остави коментар