Швајцарскиот прехранбен гигант „Нестле“ почнува да продава веганска паштета во Швајцарија и Шпанија, за да им олесни на гурманите што се загрижени за доброто на животните, особено во празничниот период.
Традиционално, паштетата се прави преку вештачко хранење патки или гуски преку цевче, за да им се замастат црните дробови. Животните, исто така, може да се прелажат за доброволно да се здебелат, но сепак треба да бидат дебели за нивниот црн дроб да направи богата и мрсна паста.
Реакцијата на гурманите против деликатесот и падот на потрошувачката сугерираат дека вкусовите се менуваат, бидејќи потрошувачите им даваат приоритет на етиката и здравјето.
Прочитај повеќе
„Нестле“ оди кон најголемото децениско поскапување на производите
Компанијата до сега во просек ги зголеми цените за 9,5 отсто, но обемот на продажба опадна за 0,2 проценти
19.10.2022
„По цена од 7,95 швајцарски франци (8,43 долари) за тегла од 180 грама, од шест порции, веганската опција е поевтина од традиционалната паштета од црн дроб од патка, но и малку поздрава“, велат од „Нестле“.
Лансирањето на новиот производ од најголемата светска компанија за храна е главен стимул за потрошувачите да прифатат обновување на традиционалниот месен производ. Помалите компании веќе нудат алтернативи на паштетата без месо во Швајцарија, која увезува околу 200 метрички тони од тој производ секоја година.
Производот ќе се продава во 140 филијали на швајцарскиот трговец „Коп“ (Coop), кој веќе две децении не продава традиционална паштета. Производството на традиционална паштета е забрането во многу земји, вклучувајќи ги Швајцарија и Велика Британија. Активистите, исто така, се залагаат за запирање на увозот на контроверзните деликатеси. Здруженијата за правата на животните велат дека женските пајчиња честопати се убиваат или се оставаат да умрат бидејќи само мажјаците се користат за производство на паштета.
.webp){kind=icon}
