.webp){kind=icon}
Вкупниот број на фиксни телефонски линии во Северна Македонија во четвртиот квартал од 2021 година е зголемен за 0,63 отсто во споредба со третиот квартал од 2021 година, а споредено со четвртиот квартал од 2020 година бројот е зголемен за 2,47 отсто, покажуваат најновите податоци на Агенцијата за електронски комуникации.
Според податоците на АЕК, на крајот на четвртиот квартал од 2021 година во вкупниот број фиксни линии учеството на „Македонски Телеком“ е 52,62 отсто, на „А1 Македонија“ е 40,85 отсто, а понатаму следуваат „Роби“ (4,38 отсто) и „Неотел“ (2,14 отсто).
Забележително е што целокупниот обем на сообраќај во фиксната телефонија во четвртиот квартал од 2021 година во однос на истиот квартал од претходната година бележи пад од 21,35 отсто, додека во однос на третиот квартал од 2021 година бележи пад од 2,10 отсто.
Тоа укажува дека голем дел од операторите ја нудат фиксната телефонија во пакет со други услуги и дека порастот на линиите не значи и зголемена употреба на фиксните телефонски линии за разговори.
