.webp){kind=icon}
„Кредит Суис“ (Credit Suisse Group AG) го заврши зголемувањето на капиталот од 4 милијарди франци (4,3 милијарди долари), давајќи му ги на главниот извршен директор Улрих Кернер потребните средства за да започне сеопфатно реструктуирање на проблематичната банка.
Инвеститорите се согласија да купат 98,2 отсто од акциите на продажба во понуда за собирање на 2,24 милијарди франци, се вели во соопштението на Credit Suisse објавено доцна во четвртокот. Остатокот од акциите ќе се продава на пазарот по или над понудената цена од 2,52 франци по акција.
Прашањето за правата беше втор дел од прибавувањето на капитал за банката. Фирмата со седиште во Цирих веќе собра 1,76 милијарди франци минатиот месец преку приватен пласман за инвеститори, вклучително и Саудиската национална банка, која ќе стане најголемиот акционер со нешто помалку од 10 отсто.
Прочитај повеќе
Кредит Суис бележи раст откако интерес покажа саудискиот принц
Акциите на „Кредит суис“ пораснаа поради изгледите дека саудискиот престолонаследник ќе преземе удел во инвестициската банка.
05.12.2022
Credit Suisse собира 4 милијарди долари за да го финансира својот ремонт
Извршниот директор Улрих Кернер најавува дека Credit Suisse повторно ќе биде профитабилна од 2024 година.
27.10.2022
Credit Suisse ги зајакнува своите финансии за да ја смири загриженоста на инвеститорите по загубените милијарди во изминатите две години, неодамнешните пребегнувања на клиенти и одливот на средства. Собраниот износ ќе помогне да се плати за излез од големи делови на инвестициското банкарство и 9.000 кратења на работни места. Погодена од скандали и погрешно пеземени чекори, Credit Suisse предупреди на петти по ред непрофитабилен квартал.
Успешната понуда на права значи крај на нестабилноста на акциите на проблематичната швајцарска банка во текот на изминатите недели, кога во еден момент 13-дневната серија на загуби ги однесе акциите блиску до цената што се предвидуваше со понудата за голем попуст. Коментарите на претседателот Аксел Леман на 2. декември дека банката ги запрела масовните одливи обезбедија одредено олеснување.
Bloomberg
„Успешното завршување на зголемувањето на капиталот е клучна пресвртница за новиот Credit Suisse“, рече Кернер во изјава. „Тоа ќе ни овозможи дополнително да ги поддржуваме нашите стратешки приоритети од позиција на капитална сила и да создадеме поедноставна, постабилна и пофокусирана банка изградена околу потребите на клиентите“.
Credit Suisse оствари раст од 3,2 отсто на тргувањето во Цирих во четвртокот. Новите акции ќе започнат со тргување денеска на швајцарската берза.
Емисијата на права е понуда на акции на постојните инвеститори за да им се овозможи да купат акции пропорционално на нивниот тековен удел, по намалена цена. Преземањето на права ги компензира инвеститорите за разводнувањето што се случува при собирањето на капитал.
