Основачот на FTX, Сем Бaнкмен-Фрид, во вторникот се изјасни за невин по кривичната пријава и треба да се соочи со судење во октомври, правна пресметка што веројатно ќе биде еден од најпознатите случаи на измама oд висока класа во последниве години.
Банкмен-Фрид се појави во Окружниот суд на САД во Њујорк облечен во син костум, бела кошула и сина вратоврска и седна на масата на одбраната, меѓу своите адвокати Марк Коен и Кристијан Евердел. Американскиот окружен судија Луис Каплан го одреди датумот на судење за 2 октомври, откако американските обвинители изјавија дека очекуваат да ги изведат сите докази за случајот во следните четири недели.
Изјаснувањето не беше неочекувано и тоа му купува повеќе време на 30-годишникот, велат правните експерти. Банкмен-Фрид ќе добие подобра претстава за доказите што ги имаат обвинителите против него и ќе го планира својот следен потег. Изјаснувањето го трасира случајот на пат за долго судење, кое би можело да трае најмалку четири недели.
Прочитај повеќе
Бахамите заплениле 3,5 милијарди долари од имотот на FTX
Властите презеле контрола врз дигитални средства во вредност од 3,5 милијарди долари на „ФТХ дигитал маркетс“.
30.12.2022
Банкмен-Фрид ослободен со кауција од 250 милиони долари
Во кауцијата е вклучена и гаранција со имот - куќата на неговите родители
22.12.2022
Уште лоши вести за Банкмен-Фрид, блиски соработници се свртеа против него
Коосновачот на FTX е екстрадиран во САД во момент кога негови долгогодишни соработници посочија дека соработуваат со обвинителите.
22.12.2022
„Аламеда“ имала тајна предност во брзината, вели американскиот регулатор
Компанијата имала тајна предност во брзината при извршувањето на налозите за купување или продавање на криптоберзата.
14.12.2022
Сем Банкмен-Фрид уапсен на Бахамите
Апсењето следува откако американската влада поднесе кривична пријава.
13.12.2022
Бенкмен-Фрид со извинување до вработените: Не сакав да биде вака
Сем Бенкмен-Фрид, обесчестениот основач на сега пропаднатата криптоберза FTX, во писмо му се извини на персоналот.
23.11.2022
Новиот шеф на FTX го откри хаосот што зад себе го оставил Банкмен-Фрид
Советниците кои го надгледуваат колапсот на FTX Group објавија неверојатен список на обвинувања против поранешното раководство.
18.11.2022
Обвинителката Даниеле Сасун ги сумира доказите против Банкмен-Фрид, истакнувајќи дека од самиот почеток берзата FTX имала уникатен однос со „Аламеда“, кој овозможувал компанијата да добие повластен третман. САД предложија дополнителен услов за кауција за Банкмен-Фрид, барајќи од судот да му забрани пристап или пренесување какви било средства од FTX или „Аламеда рисрч“.
Предлогот доаѓа откако „Блумберг њуз“ минатата недела објави дека федералните обвинители разгледуваат серија криптотрансакции од дигитални паричници поврзани со Банкмен-Фрид. Сасун рече дека сè уште нема докази дека трансферите пријавени минатата недела ги извршил Банкмен-Фрид, но дека обвинителите го истражуваат тоа.
Американскиот обвинител Демијан Вилијамс од Менхетн, кој го води случајот против Банкмен-Фрид, во вторникот објави формирање работна група од високи обвинители што ќе се занимаваат со гонење и истрага на околностите поврзани со колапсот на криптоберзата. Групата ќе биде составена од членови на оддели што истражуваат измами со хартии од вредност и стоки, јавна корупција, перење пари и транснационални криминални претпријатија.
Работната група ќе користи запленување и сајбер-способности на канцеларијата како инструменти за „пронаоѓање и враќање на имотот на оштетените“.
.webp){kind=icon}
