„Федекс“ (FedEx Corp.) планира уште повеќе да ги намали испораките на пакети во недела, бидејќи курирската компанија се бори со намалената побарувачка во е-трговијата. Повлекувањето ќе ја намали достапноста на неделната услуга за повеќе од 50 проценти од населението во САД.
„Федекс“ во јули најави дека во денот недела ќе ја намали покриеноста за околу 80 проценти од жителите на САД, иако претходно покриваше 95 отсто од нивните потреби. Компанијата очекува да ја запре услугата во одредени области почнувајќи од средината на март, покажува меморандумот што беше испратен до изведувачите што вршат испораки како замена.
„Федекс“ следниот месец ќе одлучи кои пазари ќе бидат засегнати. Од курирската компанија веќе соопштија дека испораките во недела ќе продолжат првенствено во густо населените области со докажана побарувачка од клиентите.
Bloomberg Mercury
„Додека продолжуваме да ја приспособуваме и рационализираме глобалната мрежа на ’Федекс’ за да ги задоволиме потребите на нашите клиенти во пејзажот што брзо се менува, 'Федекс граунд' (FedEx Ground) прави дополнителни приспособувања за подобро да ги усогласи нашите операции за испорака на неделните пратки со моменталната побарувачка на клиентите“, велат од компанијата.
Овој потег е најновиот чекор во напорите на „Федекс“ да ги намали трошоците, да ја подобри ефикасноста и да се справи со падот на обемот на пратките, бидејќи луѓето се враќаат на купување во продавниците на мало по напливот на онлајн купувања за време на пандемијата.
Во периодот од септември до ноември обемот на пакетите опадна за 9,1 отсто. „Федекс“ смета дека седумдневната услуга му дава предност во однос на неговиот главен конкурент „Јунајтед Парсел“ (United Parcel Service Inc), кој не испорачува во недела.
Акциите на „Федекс“ паднаа за помалку од еден отсто на денешното тргување во Њујорк.
.webp){kind=icon}
