.webp){kind=icon}
„Фортон МКА инвест“ го презеде „Охрид мол“.
Станува збор за објект што има приближно 17.000 квадратни метри, наменет за малопродажба. Објектот има приземје и прво ниво, со над 300 паркинг-единици.
Инвестицијата се проценува на околу 12,5 милиони евра, а отворањето на проектот е планирано за вториот квартал од следната година.
„Фортон МКА“ во земјава постои од 2007 година, а од 2011 година стана филијала на „Кушман и Вејкфилд“ (Cushman&Wakefield), чиј дел е и сега.
„Фортон МКА инвест“ во своето портфолио го има комплексот „Маврово 2 резиденс“.
