.webp){kind=icon}
„Алфабет Гугл“ (Alphabet Inc. Google) води правна битка за да избегне потенцијално глобално ребрендирање на „Јутјуб шортс“ (YouTube Shorts).
Американскиот технолошки гигант ја доби во своја корист пресудата вчера, со што се отвора патот до Високиот суд во Обединетото Кралство да го реши спорот со компанијата за кратките видеа. Тужителот, компанијата „Шортс интернешнел“ (Shorts International Ltd.) тврди дека употребата на зборот „шорт“ (short) му нанесува штета на нивниот заштитен знак.
„Ова е случај на врвот на скалилото во смисла на вредност и важност“, рече адвокатката на „Гугл“ Линдзи Лејн во текот на сослушувањето. „’Гугл’ тврди дека неповолна пресуда би можела да предизвика големи трошоци за промена на марката и техничка промена на платформата“, рече судијата издавајќи го налогот.
„Алфабет“ ја создаде својата платформа за кратки видеозаписи на „Јутјуб“ пред две години, за да се спротивстави на сè поголемата популарност на формата на конкурентските мобилни апликации Тикток и Инстаграм рилс (Instagram Reels Meta Platforms Inc.).
Адвокатот на „Шортс интернешнел“ рече дека компанијата работи повеќе од два месеца и го користи своето име за дистрибуција на кратки филмови на различни платформи, вклучувајќи го и „Јутјуб“.
Зборот „шортс“ и начинот на користење веројатно ќе ги збунат луѓето дека „Јутјуб“ го купил брендот „Шортс“ или дека „Шортс интернешнел“ е негова подружница, велат адвокатите на компанијата во судскиот поднесок.
