Инвестициската компанија „Харис асошиејтс“ (Harris Associates) од Чикаго го продаде целиот удел во банката „Кредит Суис“ (Credit Suisse), што ја прекина врската помеѓу тој инвеститор и заемодавецот долга дваесет години.
Овој потег очигледно дополнително го зголемува притисокот врз лидерите на банката во процесот на реструктурирање предизвикан од големите загуби во бизнисот.
„Излезот од инвестициите во ’Кредит Суис’ е објавен во изминатите три-четири месеци“, рече главниот инвестициски директор за деловниот сектор во „Харис асошиејтс“, Давид Херо.
Оваа инвестициска компанија долго време беше најголем акционер во банката „Кредит Суис“, но на крајот на минатата година својот удел прво го намали од 10 на 5 отсто. Акциите на „Кредит Суис“ потонаа на ново најниско ниво минатата недела, по финансискиот извештај што покажа поголеми загуби од очекуваното.
Од летото 2007 година, акциите на банката изгубија околу 95 проценти од вредноста.
Додека вредноста на акциите на банкарскиот сектор расте, „Кредит Суис“ оди надолу
Bloomberg Mercury
„Растечките каматни стапки значат дека европскиот финансиски сектор оди во друга насока. Тогаш, зошто да се биде во нешто што ја губи вредноста кога остатокот од секторот сега ја создава?“, изјави Херо за „Фајненшл тајмс“.
„Кредит Суис“ се бори да ги врати клиентите и да го спречи заминувањето на луѓето од повисокиот менаџмент, што му зададе удар на бизнисот со богатите клиенти, кои банката ги гледа како клучни за опстанокот.
Клиентите повлекоа дури 110,5 милијарди швајцарски франци во последниот квартал од минатата година.
Херо верува дека планот на банката за издвојување на инвестицискиот бизнис не е обмислен и ќе чини повеќе отколку што се очекуваше.
Иако Херо ја бранеше банката кога започнаа нејзините проблеми, со текот на времето тој стана сè покритичен кон управата.
Сега најголемиот акционер во „Кредит Суис“ е најголемата трговска банка во Саудиска Арабија, СНБ.
.webp){kind=icon}
