Рудникот „Боров дол“ ќе стане дел од „Бучим“ од Радовиш по завршувањето на постапката за присоединување за која веќе била известена Комисијата за заштита на конкуренцијата.
„Бучим“ ДООЕЛ Радовиш е друштво чија примарна дејност е вадење на други руди на обоени метали. „Бучим“ до 2021 година, вршеше ископ на минерална суровина на бакар и злато. Меѓутоа, од 2021 година, ископот на минерална суровина во рудникот е прекинат поради исцрпување на рудата во отворените копови. Па така, од 2021 година, „Бучим“ започнува да врши преработка на ископената руда од рудникот „Боров дол“ во индустрискиот погон – флотација.
„Боров дол“ е друштво чија примарна дејност е исто така вадење на други руди на обоени метали. „Боров дол“ е формирано во 2010 година со цел да се изведат детални геолошки истражувања за присуство на бакарна руда на локалитетот Боров дол, во Општина Конче, Општина Штип и Општина Радовиш.
Согласно Законот за минерални суровини, за да заврши целата постапка и Владата на РСМ треба да даде согласност за статусни промени.
.webp){kind=icon}
