text size
Претседателот на УБС (UBS Group AG), Колм Келехер, рече дека интеграцијата на „Кредит Суис“ (Credit Suisse Group AG) ќе трае од три до четири години, не сметајќи го затворањето на инвестициската банка.
„Дури и со заштитата од негативните страни на инвестицијата во форма на владина поддршка постои огромен ризик во интегрирањето на овие компании“, посочи Келехер во подготвените забелешки за годишното генерално собрание на банката во средата.
УБС се согласи да го купи својот долгогодишен ривал за три милијарди швајцарски франци во историска трансакција минатиот месец, откако повеќе години на скандали, загуби и неуспех да го контролира ризикот ја ослабеа банката. Итниот договор со посредство на владата имаше цел да стави крај на кризата на доверба во „Кредит Суис“, која почна да се прелева на глобалните финансиски пазари.
Прочитај повеќе
Претседателот на „Кредит Суис“ искрено жали за неуспехот
Претседателот на „Кредит Суис“, Аксел Леман, им се извини на акционерите за неуспехот да го спречи губењето на довербата во банката.
04.04.2023
По преземањето на Кредит Свис, УБС отпушта над 30.000 лица
УБС Груп ќе ја намали работната сила меѓу 20 и 30 отсто
02.04.2023
Се повлекува банкарот чии коментари ги потопија акциите на „Кредит Суис“
Директорот на најголемиот акционер на „Кредит Суис“, чии коментари неодамна предизвикаа стрмоглав пад на акциите на швајцарската банка, се повлече од функцијата.
27.03.2023
„Кредит Суис“ се соочува со можни дисциплински постапки
Купувањето на „Кредит Суис“ од страна на „УБС“ со посредство на Владатата беше широко критикувано и од политичарите и од обичните граѓани во Швајцарија
26.03.2023
„'Кредит Суис' повеќе нема да биде независна компанија“, нагласи Келехер. „Таа беше икона на швајцарската економија, банка што одигра витална улога во економскиот развој на Швајцарија и светски познат играч“.
Акционерите ќе добијат по една акција на УБС за секои 22,48 акции на „Кредит Суис“.
Во посебна презентација, потпретседателот на УБС, Лукас Гахвилер, рече дека големата неизвесност ќе остане додека не се склучи договорот. Најдобро сценарио е тоа да се случи во рок од неколку недели, иако веројатно ќе бидат потребни неколку месеци. „Брендот ’Кредит Суис’ ќе продолжи да постои во Швајцарија во скора иднина“, додаде тој.
Банката ќе ги разгледа сите опции за локалниот бизнис на „Кредит Суис“, иако тој нагласи дека луѓето треба да ги задржат реалните очекувања во врска со укинувањето на тој бизнис.
Минатата недела УБС го објави назначувањето на Серџо Ермоти за главен извршен директор. Тој доаѓа на местото на Холанѓанецот Ралф Хамерс, кој ја водеше банката во последните две години.
Прочитајте повеќе: Ермоти одново извршен директор на УБС, ќе го надгледува преземањето на „Кредит Суис“
Ова ќе биде втор ангажман на Ермоти во УБС. Тој претходно ја водеше банката од 2011 до 2020 година, пред да се приклучи на „Свис Ре“ (Swiss Re). УБС се надева дека ќе има корист од големото искуство на Ермоти во реструктурирањето и дека тој будно ќе го следи историското преземање на „Кредит Суис“.
Келехер призна дека акционерите немаат шанса да гласаат за договорот, велејќи дека нема време да се консултираат со нив.
„Разбирам дека не сите засегнати страни во УБС и 'Кредит Суис' се задоволни со овој пристап“, рече Келехер. „Сепак, сите страни, особено швајцарските власти, го сметаа ова решение како најдобро од сите достапни опции“.
.webp){kind=icon}
