ЕБОР одобри кредит во износ од 1,5 милиони за Шпаркасе банка, со кој се овозможуваат средства за инвестиции во енергетска ефикасност. Финансирањето е обезбедено под Програмата за финансирање на зелена економија (Green Economy Financing Facility - GEFF) за Западен Балкан, со која се поддржуваат енергетски ефикасни решенија за изградба на позелена и поодржлива економија, соопштија денеска од ЕБОР.
„Новиот кредит за Шпаркасе банка е одобрен преку третата фаза од ГЕФФ Програмата за Западен Балкан, која до сега им има помогнато на над 14.000 домаќинства во регионот, со кредити во износ од 75 милиони евра, во мерки за подобрување на енергетската ефикасност, стои во соопштението.
,,Овие инвестиции ќе овозможат зголемена удобност во домаќинствата, и ќе се намалат сметките за потрошена електрична енергија, изјави Анди Аранитаси, претставник на ЕБОР за Северна Македонија.
„Со оваа линија сакаме да ги поттикнеме граѓаните да инвестираат во своите домови во напредни технологии со што ќе имаат повеќекратен поврат, атрактивен финансиски грант до 20 проценти од инвестицијата и ќе постигнат одржливост на својот дом во иднина, изјави Нина Неданоска, Заменик Претседател на Управниот одбор на Шпаркасе Банка АД Скопје.
Физичките лица ќе можат да аплицираат за кредити за инвестиции во изолација, прозорци, топлотни пумпи, соларни панели и други подобрувања, сé во насока на зголемување на енергетската ефикасност за домаќинствата и намалување на потрошувачката на енергија. По успешната имплементација на инвестицијата, сопствениците на домаќинствата ќе можат да добијат до 20 отсто поврат од инвестираната сума.
До крајот на ноември 2022 година, ГЕФФ во Северна Македонија е искористена од повеќе од 3.500 домаќинства, и обезбеди кредити за индивидуални проекти преку партнерските финансиски институции во износ од скоро 27,5 милиони евра. Со нив се овозможи заштеда на енергија во износ од над 17.000 MWh и годишно намалување на емисиите на јаглероден диоксид од 7.000 тони. Најмногу се инвестира во прозорци, врати, изолација, бојлери на биомаса и топлотни пумпи.
ЕБОР е една од водечките институции, инвеститори во Северна Македонија. До денес има инвестирано над 2,5 милијарди евра во проекти од различни сектори на економијата.
.webp){kind=icon}
