Патници со соколови очи забележале грешка при конверзија на валути и по багателни цени купиле авиобилети од прва класа за најубавите кабини на „Ол Нипон Ервејс“ (All Nippon Airways). При тоа, еден од патниците платил само 890 долари за лет во прва класа од Џакарта до Карибите преку Токио и Њујорк и назад. Ова патување од 14.500 километри обично би чинело речиси 20 пати повеќе. Други патници купиле билети во деловна класа за само неколку стотици долари наместо вообичаените 10.000 долари. Веста за „неочекуваниот попуст“ брзо се прошири на платформите на социјалните медиуми.
„АНА Холдингс Лтд“ соопшти дека грешката произлегла од нејзината веб-страница во Виетнам, на која била наведена погрешна конверзија на валути. Од компанијата не информираа колку луѓе обезбедиле билети со попуст и додадоа дека „ја истражуваат причината за грешката и големината на предизвиканата штета“.
Портпаролот на АНА првично рече дека авиокомпанијата ќе ги признае купените билети, но подоцна оттаму соопштија дека конечна одлука не е донесена и додадоа дека таа најверојатно ќе биде донесена пред крајот на месецот. Тоа значи дека тие што купиле авиобилети на попуст и понатаму ќе можат да ги користат пред компанијата да донесе конечен став по ова прашање.
Инаку, повеќето купени билети биле за патувања од главниот град на Индонезија, Џакарта до Јапонија, потоа до Њујорк и назад, како и до различни дестинации во Југоисточна Азија, вклучително и Сингапур и Бали.
Херман Јип, кој води веб-страница за патувања, рече дека го купил билетот за враќање во прва класа од Џакарта до Аруба преку Токио и Њујорк.
Џони Вонг, кој работи во авионската индустрија, рече дека резервирал повратен билет на бизнис класа од Џакарта до Хонолулу преку аеродромот Нарита во Токио за 550 долари.
„Никогаш не мислев дека ќе добијам ваква зделка“, рече Вонг. 29-годишникот додаде дека се чувствувал под притисок да ги внесе своите податоци што е можно побрзо, тркајќи се со времето пред АНА да ја сфати својата грешка. Цената на истиот авиобилет сега е 8.200 долари.
Не е прв пат авиокомпанија ненамерно да продава премиум седишта со голем попуст.
„Катај Пацифик Ервејс“ (Cathay Pacific Airways Ltd.) случајно продаде билети од прва и бизнис-класа од Виетнам до САД во 2019 година за само 675 долари, кога нормалната цена беше дури 16.000 долари. Компанијата тогаш ги призна авиобилетите купени на попуст поради нејзина грешка.
.webp){kind=icon}
Во моментов нема коментари за веста. Биди прв да коментира...