„Кока-кола“ (Coca-Cola Co.) извести за раст на приходите во првиот квартал што ги надмина процените бидејќи потрошувачите веќе се навикнаа на повисоките трошоци за газираните пијалаци, соковите и енергетските пијалаци на компанијата.
Органските приходи, кои го исклучуваат влијанието на промената на вредноста на валутите и аквизициите, се зголемија за 12 проценти во првото тримесечје годинава, што е над просечната процена на аналитичарите, кои очекуваа раст од 9,6 отсто. Очекувањата ги надмина и приспособената заработка, која изнесува 68 центи по акција, за разлика од прогнозираните 65 центи.
„Порамнувањето на нашиот систем е посилно од кога било, а нашата мрежна организација ни дозволува да се приспособиме по потреба. Ние сме уверени во нашата способност да ги исполниме нашите цели за 2023 година“, рече главниот извршен директор Џејмс Квинси во денешната изјава.
Bloomberg Mercury
Компанијата за пијалаци во последните години ги зајакнува своите перформанси како што исчезнуваат пандемиските ограничувања. А, сега потрошувачите се покажуваат подготвени да платат повеќе за безалкохолни пијалаци на јавни места, како што се ресторани, стадиони и концерти. Главниот финансиски директор Џон Марфи рече дека трошоците за стоки на „Кока-кола“ во последно време се мешани.
„Гледаме дека некои од инфлаторните сили се намалуваат, вклучувајќи ги и металите. Исто така и граѓата, бакарот и челикот. Сепак, во некои области што се важни за нашиот бизнис, вклучувајќи ги засладувачите и соковите, има значителни зголемувања“, рече тој во интервју. Марфи потенцираше дека компанијата има развиено стратегии за заштита и, како што вели, продолжуваат со сигурно снабдување низ целиот свет.
Во Северна Америка просечната цена на нивните производи порасна за 11 проценти. „Кока-кола“ ја задржа својата прогноза за целокупниот органски раст на приходите за годинава во опсег од седум до осум отсто. Просечната процена на Волстрит за тоа е 7,8 проценти.
Приходите на компанијата изнесуваа 10,98 милијарди долари. По објавата на податоците, акциите на „Кока-кола“ поскапеа за 0,7 отсто.
.webp){kind=icon}
