.webp){kind=icon}
Компанијата „Мета“ (Meta Platforms Inc.) во првиот квартал забележа приходи што ги надминаа процените на аналитичарите, со што се сигнализира почетокот на закрепнувањето на дигиталното рекламирање.
Приходите од продажба во првиот квартал порасна на 28,6 милијарди долари - прво зголемување по три последователни квартали на пад. Тоа е повеќе од 27,7 милијарди долари, колку што беше просечната процена меѓу аналитичарите. Вредноста на акциите на „Мета“ се зголеми за речиси 10 отсто по затворањето на пазарот и објавувањето на резултатите.
Приходите од рекламирањето преку интернет ѝ купија време на компанијата да инвестира во помалку профитабилни области, како што се вештачката интелигенција и виртуелната реалност.
Движење на индикаторот ROS (однос на приходи од продажба и профит) - процентуална промена од година на година по квартали
Bloomberg Mercury
Компанијата што стои за Фејсбук, Инстаграм и Ватсап агресивно ги намалува трошоците во последните неколку месеци. На крајот на кварталот пријави приход и раст на корисниците што ги надмина процените на аналитичарите. Како што пораснаа акциите на „Мета“, извршниот директор Марк Закерберг рече дека вештачката интелигенција ќе „влијае на секоја од нашите апликации и услуги“ и дека „Мета“ е добро позиционирана во актуелната трка за вештачка интелигенција.
„Посилната финансиска позиција ќе ни овозможи да се справиме со нестабилното опкружување, при што ќе останеме фокусирани на нашите долгорочни приоритети“, им порача Закерберг на инвеститорите во средата. „Постои можност вештачката интелигенција да се доближи до милијарди луѓе на начини што ќе бидат корисни и значајни“, подобрувајќи ги услугите за клиенти на бизнисите, процесот на креирање реклами и искуството во игрите со виртуелна реалност, додаде тој.
Закерберг објасни дека „Мета“ заработува повеќе од форматот наречен „рилс“, а времето поминато на корисниците на Инстаграм е зголемено за 24 проценти.
„Мета“ работи на проширување додека ги намалува трошоците, а самиот Закерберг ја нарече 2023-та „година на ефикасност“. Забавувањето на побарувачката за рекламирање во текот на изминатата година го принуди гигантот за социјални мрежи да ги намали персоналот и трошоците и поттикна дебата за милијардите што Закерберг ги инвестираше во технологијата за виртуелна реалност. Компанијата посочи дека бидејќи ги намалува трошоците, подготвена е да вработува само во неколку клучни области, како што е вештачката интелигенција.
Акциите на „Мета“ пораснаа за 74 проценти оваа година (до затворањето во средата), закрепнувајќи од својата најлоша година досега (компанијата падна за 64 проценти во 2022 година). Акциите поскапеа до 236,20 долари во продолженото тргување по извештајот во средата, откако затворија на 209,40 долари.
