.webp){kind=icon}
Фармацевтската компанија „Алкалоид“ денеска одбележа 45 години на еден од своите најпрепознатливи брендови, колекцијата на производи за деца „Бекутан“. На настанот премиерно беше претставен видеоспот снимен по повод јубилејот и претставено партнерство со СОС Детското село.
Менаџерот на компанијата, Живко Мукаетов, рече дека е голема чест да се прослави ваков голем јубилеј.
„Денеска би сакал да ви се обратам не како човек кој е менаџер во компанијата, туку како татко на четири деца... Од многу непроспиени ноќи, преку изборот на храната, па сè до изборот на козметика која едно бебе ќе ја добие. Моите родители го користеа 'Бекутан', јас и мојата сестра го користевме 'Бекутан', јас и мојата сопруга го користиме овој производ. Од 1978 година, откако постои кремчето 'Бекутан', досега се произведени повеќе од 60 милиони теглички, што е уште еден доказ за квалитетот и традицијата. Уште еден доказ дека тоа е производ на кој може апсолутно да му се верува“, истакна Мукаетов.
Alkaloid
Тој посочи дека со „Бекутан“ пораснале генерации кај нас, но и во регионот, и дека тоа е бренд на кој треба да бидеме благодарни и горди.
„Ние сме многу среќни што може да се пофалиме дека брендот континуирано расте“, потенцира Мукаетов.
Силвија Брајовиќ од СОС Детското село зборуваше за соработката со брендот „Бекутан“ во рамки на кампањата „Секое дете е наша грижа“.
„Токму грижата за децата не спои заедно со СОС Детското село. 'Бекутан' најдобро и најквалитетно се грижи за нашите најмили, a СОС Детското село веќе 22 години гради семејства за да може секое дете да расте во грижа, љубов и припадност на одредено семејство. Од голема важност за нас е потрошувачите на 'Бекутан' да имаат свесност за оваа наша поврзаност којашто резултира во додадена хуманитарна вредност на брендот. Со оваа кампања, по повод 45 години, и самите потрошувачи се дел од нашата заедничка мисија“, истакна Брајовиќ.
