text size
Налетот на заминувања од „Кредит Суис“ (Credit Suisse Group AG) оваа недела се чини дека продолжува со несмален интензитет, бидејќи уште тројца директори преминале во „Банко Сантандер“ (Banco Santander SA), изјавија за „Блумберг“ извори запознаени со ова прашање.
Меѓу нив е и претседателот за пазарот на капитал, Ернесто Круз, кој работеше во швајцарскиот заемодавец речиси четири децении, велат изворите, барајќи да не бидат именувани бидејќи станува збор за приватни информации.
Претставниците на „Кредит Суис“ и „Сантандер“ одбија да коментираат за ова прашање.
Прочитај повеќе
УБС и Швајцарија се договорија за гаранција од 10 милијарди долари
УБС постигна договор со швајцарската влада за покривање на загуби од девет милијарди швајцарски франци (9,9 милијарди долари).
09.06.2023
УБС комплетно ќе ја преземе „Кредит Суис“ до 12 јуни
По завршувањето, акциите на „Кредит Суис“ ќе бидат отстранети од швајцарската берза SIX на 13 јуни и од Њујоршката берза на 12 јуни.
05.06.2023
„Кредит Суис“ загуби случај против грузиски тајкун во Сингапур
Судот во Сингапур нареди единицата на „Кредит Суис“ да му плати на грузискиот милијардер Биѕина Иванишвили стотици милиони долари отштетa.
26.05.2023
Тројцата се меѓу најмалку 11-те инвестициски банкари за кои пишуваше „Блумберг њуз“ оваа недела, кои го напуштиле познатиот швајцарски заемодавец, заминувајќи во други банки пред комплетното спојување со УБС (UBS Group AG). Спојувањето би можело да биде завршено веќе во понеделник, откако УБС ја отстрани последната голема пречка за трансакција во петокот.
Откако швајцарската влада го организираше спојувањето со УБС во март, повеќе од десетина инвестициски банкари на „Кредит Суис“ се приклучија на „Сантандер“.
Сантандер го развива својот бизнис за инвестициско банкарство во САД со доведување истакнати банкари од „Кредит Суис“, вклучувајќи го и шефот за спојувања и аквизиции Стив Гелер, ко-шефот за енергија и инфраструктура Роб Сантанџело, глобален шеф за пазари на капитал и долг Дејвид Хермер и од неодамна Нирон Стабински, кој раководеше со операциите на за аквизиции со посебна намена (SPACs).
Во понеделникот на 12 јуни беше објавено дека е финализиран договорот за преземање со што заврши 167-годишното постоење на овој голем заемодавач.
Текстот е променет со последниот пасус
.webp){kind=icon}
