Промени во Управниот одбор на „Макпетрол“

Надзорниот одбор на „Макпетрол“ на вчерашната седница донесе одлука за престанување на мандатот на членовите на Управниот одбор на друштвото поради истек на времето за кое се избрани, соопшти компанијата преку Македонската берза.

За членови на Управниот одбор, со мандат од шест години се именувани:  Андреја Јосифовски, Марија Јосифовска Спасовска, Сашко Павловски, Михајло Борозанов и Сашо Бошковски.

Со промената, во УО на компанијата веќе не членуваат Саша Лекиќ, Јован Трповски и Зоран Доневски.

Од компанијата информираа дека членот на Управниот одбор на друштвото, Андреја Јосифовски, поседува 2.000 акции со право на глас, што е 1,780 проценти од вкупниот број на издадени акции од друштвото. Марија Јосифовска Спасовска, поседува 120 акции, Сашко Павловски поседува 10 акции, Михајло Борозанов поседува една акција, а Сашо Бошковски поседува 30 акции од друштвото.

Во моментов нема коментари за веста. Биди прв да коментира...

Остави коментар