Компанијата „Мета“ (Meta Platform Inc.) соопшти дека закрепнувањето во делот на рекламирањето ќе доведе до раст на приходите на компанијата, со најбрза стапка забележана од 2021 година. Тоа ќе му помогне на извршниот директор Марк Закерберг да ја врати поддршката на инвеститорите за неговите долгорочни амбиции. Приходите на „Мета“ би можеле да пораснат до 20 отсто во тековниот квартал, објави компанијата во средата. Ова темпо на раст гигантот на социјалните мрежи „Мета“ го немаше забележано во условите кога економијата беше слаба поради пандемијата и пред воведените промени на „Епл“ (Apple Inc.) во правилата за приватност, кои доведоа до тоа „ Мета“ да има најлоша продажба на дигитални реклами. Приходите се намалија првпат во текот на претходната година, што ги натера инвеститорите да го изгубат трпението за трошењата на Закерберг надвор од основната дејност.
Bloomberg
Откако отпушти илјадници вработени и ја подобри ефикасноста на рекламниот бизнис преку вештачка интелигенција, Закерберг сега повторно застана на нозе. Дури и веста дека трошоците во следните две години ќе продолжат да растат не ја погодија акцијата, која порасна за повеќе од седум отсто во тргувањето на берзите. Растот на приходите од реклами на компанијата „Мета“ ќе биде поттик за Закерберг да вложува пари во вештачка интелигенција за развој на неговата визија метаверзум, свет на виртуелна реалност за кој извршниот директор се надева дека еден ден ќе го прифатат сите. „Очекуваме да ги задржиме дисциплината и навиките што ги изградивме во текот на оваа ефикасна година додека планираме за иднината“, рече главната финансиска директорка Сузан Ли. „Истовремено ние остануваме фокусирани на инвестирање во значајните можности што ни претстојат. Тоа е особено во областите каде што ја гледаме најзначајната можност, вклучувајќи ги вештачката интелигенција и метаверзумот“.
Прочитај повеќе
Добра година: Најбогатите дневно додаваат по 14 милиони долари на сметките
Ова беа најдобрите шест месеци за милијардерите
04.07.2023
Повеќе од очекувањата: За два дена 70 милиони лица на „Тредс“
На „Тредс“ луѓето можат да објавуваат текст и линкови и да одговараат или повторно да објавуваат пораки од други
08.07.2023
Може ли Твитер да го преживее доаѓањето на Тредс?
Доаѓањето на нов конкурент сериозно ја загрози позицијата на Твитер, кој во последно време минува низ разни турбуленции, а неговите акции губат вредност.
19.07.2023
.
„Мета“ објави приход од 32 милијарди долари за вториот квартал, надминувајќи ги процените на аналитичарите од 31,1 милијарда долари.
Закрепнувањето на приходите од реклами на „Мета“ е благодарение на инвестицијата во кратки видеа (reels) на Инстаграм и на Фејсбук, кои се дизајнирани да го копираат форматот на конкурентот Тикток. Овие кратки видеа беа креирани над 200 милијарди пати на социјални платформи на „Мета“. Приходите од кратките видеа достигнаа стапка на продажба од 10 милијарди долари во споредба со три милијарди долари во третиот квартал од 2022 година.
.webp){kind=icon}
