Комисијата за хартии од вредност на денешната седница донесе решение со кое на лицето Селаудин Арифи му се издава дозвола за давање понуда за преземање на друштвото „Жито Караорман“ АД Кичево.
„Понудата за преземање се однесува на 2.852 обични акции со право на глас, кои претставуваат 25,52 проценти од основната главнина на „Жито Караорман“ АД Кичево. Преземањето на хартиите од вредност ќе се врши по цена од 615 денари по акција“, информираат од КХВ.
Оттаму додаваат дека рокот за прифаќање на понудата изнесува 28 дена од денот на објавување на понудата за преземање. Преземачот ја нема утврдено најмалата количина на обични акции со право на глас, која треба да биде прифатена за понудата да се смета за успешна. Преземачот Селаудин Арифи во моментот на давањето на понудата за преземање поседува вкупно 8.199 обични акции или 74,19 проценти од вкупниот број обични акции издадени од „Жито Караорман“ АД Кичево.
Прочитај повеќе
Од јуни нови правила за членство на Македонската берза
Новите правила се воведуваат заради усогласување со законските и подзаконските акти коишто се донесени или изменети во меѓувреме
29.05.2023
По втор пат: КХВ одобри Општина Штип да издаде обврзници, на потег Владата
Општинските обврзници се со фиксна годишна каматна стапка во износ од 4,75 проценти
25.05.2023
КХВ одобри Општина Аеродром да издаде обврзници од 5,3 милиони евра
Станува збор за прва емисија на општински обврзници во количество од 11.000 лота, во апоени од 30.000 денари по лот по обврзница.
27.04.2023
.webp){kind=icon}
