И покрај предизвиците, како што се инфлацијата и зголемените трошоци, данскиот синџир за малопродажба на мебел ЈУСК (JYSK) оствари обрт од 5,2 милијарди евра во финансиската година 2022-2023, која заврши на крајот на август. Клиентите низ светот купуваа во повеќе од 3.300 продавници на ЈУСК во 48 земји, привлекувајќи 1,2 милион нови клиенти, вклучувајќи ги и оние од Хрватска, Словенија, Србија, Босна и Херцеговина и од Македонија.
ЈУСК
Новиот претседател и извршен директор на ЈУСК, Рами Јенсен, го изрази своето задоволство од постигнатите резултати. „Глобалниот малопродажен пазар сè уште е под голем притисок, а довербата на клиентите и куповната моќ се ниски. Сепак, ЈУСК е познат по своите квалитетни производи како и конкурентни цени, што се одрази на нашите резултати и на фактот дека клиентите ги избираат нашите продавници“, наведе Јенсен во соопштението за печатот. Според компанијата, проширувањето останува клучна компонента на идентитетот на ЈУСК.
Во мај 2023 година, ЈУСК ги отвори своите први две продавници во Турција, со што се отвори нова област за бизнис. Компанијата и во текот на финансиската 2022-2023 година отвори вкупно 135 продавници. ЈУСК ќе го објави својот годишен извештај в четврток, 30 ноември, вклучувајќи го и развојот на приходите за финансиската 2022-2023 година.
.webp){kind=icon}
