Предложеното купување на „Твитер“ (Twitter) од страна на Илон Маск може да се распадне поради неговите сомнежи дека компанијата неточно известува за бројот на спам-ботови на платформата, укажува извештај, иако директорите на компанијата повторија дека бројот е мал и се обидоа подобро да објаснат како тие ги пресметуваат бројките.
„Твитер“ постојано повторува дека спам-ботовите претставуваат помалку од 5 отсто од неговата вкупна корисничка база. Во меѓувреме, Маск се пожали дека бројката е многу поголема и се закани дека ќе се откаже од договорот за купување на компанијата, од 44 милијарди долари, додека не добие потврда за процентот на ботови на социјалната мрежа.
Тимот на Маск заклучи дека „Твитер“ не може да ја потврди својата бројка на налози за спам и престанал да учествива во дискусиите околу финансирањето на договорот, објави „Вашингтон пост“ (Washington Post) во четвртокот, цитирајќи луѓе запознаени со ова прашање. Спорот ја стави аквизицијата на главниот извршен директор на „Тесла“ во сериозна опасност, пишува весникот, цитирајќи ги изворите.
Bloomberg
„'Твитер' има и ќе продолжи со соработка во која споделува информации со г-дин Маск за да ја заврши трансакцијата во согласност со условите од договорот“, рече портпаролот на компанијата во изјава за Bloomberg News откако весникот ја објави својата приказна. „Веруваме дека овој договор е во најдобар интерес на сите акционери. Имаме намера да ја затвориме трансакцијата и да го спроведеме договорот за спојување по договорената цена и услови“, посочи претставникот на „Твитер“.
Претходно во четвртокот, директорите на „Твитер“ на брифинг за медиумите изјавија дека компанијата рачно прегледува илјадници налози секој квартал за да го одреди износот од 5 отсто на ботови и проценува дека вистинскиот број е далеку под она што е откриено во поднесоците. Компанијата исто така користи внатрешни податоци за да го потврди бројот на ботови, вклучувајќи работи како IP адреси или телефонски броеви за да утврди дали сметката ја води човек.
Маск побара ревизија на проценките на „Твитер“. Од компанијата соопштија дека споделуваат некои податоци со Маск и работат со неговиот тим во рамките на купопродажниот договор. Висок претставник одби да коментира за тоа кои податоци се споделуваат со Маск, но рече дека компанијата не споделува внатрешни податоци со надворешни лица поради загриженост за приватноста.
.webp){kind=icon}
